يوم الام .......يوم العمال ........يوم اليتيم .......ايام كتير لها قيمة عند اصحابها ولكن الآلاف من المعتقلين فى السجون العربية والاجنبية يستحقو يوم نطالب بحقوقههم ونناصرهم فية...ترددت فى كتابة الموضوع دة فالوقت دة لكن حبيت اكتبة دلوقتى عشان قلت يمكن اللى يقرا الموضوع يدعى للمعتقلين بفك اسرهم وخاصة ان رمضان اقترب فلا تنسوهم من دعاءكم وهم فى امس الحاجة الية ....
عاصرت 3 حكايا ت عن امن الدولة
الاولى ..امام مسجد فى الثلاثينيات من عمرة عندة 4 اولاد لا بية ولا علية فوجى ءبقوات امن الدولة تقتحم منزلة وتأخذة ...فشلت محاولات كثيرة من زوجتة فى معرفة مكانة فى البداية ثم علمت بعد ذلك انة تم تصنيفة على انة جهاااااااااد .....جهاد اية جاهد فين ....اكيد التكنولوجيا الامريكية وصلت مصر وجاهد فالحلم والقوات المصرية احبطت العملية الارهابية فى ظل الحرب الاستباقية كما يبدو ان ابو العيال اللى ماشى جنب الحيط ارهابى كبير واحنا مش واخدين بالنا .
الحكاية التانية
اخ ملتحى بيصلى فالمسجد عندة 5 اولاد اخوة كان مجاهد فافغانستان زمااااااان بيحارب الاتحاد السوفيتى ...المهم بعد احداث 11 سبتمبر عادى ولا فية حاجة مش فاهمة كانو ناسيين ولا اية فجأة وبدون مقدمات تم القبض علية ونقلة من معتقل لاخر ....حتى استقر فيييييييين ! ابو زعبل
انا بأة حبيت اطمن روحت بحثت فالنت عن ابو زعبل طول عمرى اسمع عنه ...بلاوى مش عايزة اشيلكو الهم بس فية واحد كان محبوس هناك طالب بنقلة لاسرائيل او غوانتنامو ...قال اكيد هناك فية رحمة اكتر ....
الحكاية الثالثة
واحد بيشتغل فى مكتبة اسلامية وهو طالب جامعة لقى واحد "امن دولة" بيقولة هات البطاقة وخدها منة وقال لة هات صورتين معاك وتعالى خد البطاقة من القسم
الغريب ان الثلاتة اتقبض عليهم فنفس الوقت مع بداية الحرب على لبنان ولم يتم الافراج عنهم حتى اليوم
والمصيبة ان فية كتيربيدخلو امن الدولة وميخرجوش ومحدش يعرف عنهم حاجة واللى بيموت مالتعذيب امن الدولة بتعمل عبيطة عشان تدارى على جرايم ضباطها وبعد متذل الاهل على مكان ابنهم لو مات كل اللى عليها تديهم ورقة انة غير متواجد فى معتقلات امن الدولة .....والناس تستغرب وتقول انتو قبضتو علية كان عندكو طب افرجتوا عنة امتى ؟ فيكون الجواب ليس لدينا معلومات اخرى ....!
عشان كدة مش لازم ننسى ان المعتقلين ظروفهم صعبة جدا جدا والدعاء لهم واجب علينا ... ....
كتبها مروة في 05:40 صباحاً ::
هذه هي طريق الحرية .. تنطلق خطوتها الاولى من السجون .... شكرا لتذكيرك ايانا بهم
ويستحقون ان نعمل من اجلهم ... دمت و سلمت
تقبل الله طاعاتكم ومبارك عليكم الشهر الفضيل
لفتة طيبة تشكرين عليها، تلك الفئة ممن سلبوا حريتهم لأجل حرية الشعوب أحرى بأن يتبنى الشعب قضيتهم و يخلص لتضحياتهم، فكرتك تستحق القبول.
الله يحفظك من أبو زعبل وأمثاله، وأنا أضم صوتي إلى صوتك الرائع ،حيث يجب الإعتراف لهم بالجميل ،وأدعوك للتعليق على رسالة حب للأخ عصام البغدادي ...لحثه على عدم ترك التدوين ،وشكرا
بتقديرات متفآءله يصل عدد المعتقلين في سجون مبارك عشرون ألف معتقل من جميع الإتجاهات وإن كان الأغلبيه منهم ممن ينتمون للتيار الإسلامي بجميع طوائفه ( إخوان - جماعه إسلاميه _ جهاد - سلف صالح - تنظيمات أخرى ) وكأن أشهد أن لا إلاه إلا الله أصبحت تهمه أو أن الفرعون خائف مما حدث للفرعون السابق ...........كفايه كده ......سعد زغلول من أكتر من سبعين سنه قالها وإتكل .... مفيش فايده .... وسلميلي على الفكر الجديد والإنطلاقه الثانيه للمستقبل .
على هامش الموضوع بتاعك النهارده صباحا قادتني زوبه سيارتي العزيزه أطال الله عمرها أكثر وأكثر وكفاها شر الميكانيكيه إلى التأمينات الإجتماعيه بالإبراهيميه لأول مره لقضاء مصلحه لوالدي ..... وياليتي ما ذهبت ....المبنى يكاد يسقط فوق أدمغتنا ... الناس سيدات وبنات ورجال وكهول ولا يوم الحشر العظيم ....كله علشان بطاقه التموين ....والموظفين وللأمانه رغم محاولاتهم لمساعده الناس إلا أن العدد مهول وده كله علشان زيت عربيات وسكر أسود بطعم الملح ولا سمنه مهدرجه توصل لمستشفى 53753 بتاعه السرطان.... ولا حول ولا قوه إلا بالله ....تحياتي وسلاااامي للبنت الشقيه مروه ... وربنا يجعل كلامنا خفيف عليهم ؟
لما دول اتخدوا امن دولة اما احنا يعملوا فينا ايه ؟؟؟؟
متهيالى الرجم اقل شى
وانتى كده طمنتينى طمنك ربنا
إختي سياسة مبارك دكتاتورية أمريكية بحتة .. مشكورة أختي
أنا أدعوك ِ أن تزوري مدونتي دعوة خاصة ..
اختى عفاف \ اهلا بيكى وجزاكى الله خيرا ..رمضان كريم
اخى سعيد \ جزاك الله خير انا معملتش جاحة انا نفسى اهاليهم يتجمعو شايفة كل واحد بيصرخ لوحدة ومحدش بيسمعة ...لكن ما باليد حيلة ....حسبنا الله ونعم الوكيل
اخى المصطفى اسعد \ الله يحفظك وجميع المسلمين ...مريت عليك امبارح ولكن معرفتش اكتب اية عشان طارق قال لى ان عصام قرر العودة ان شاء الله .....ورمضان كريم
افندينا \ مدام جبت سيرة الفكر الجديد .....كلام قريتة امبارح ان مش بعيد ان جمال مبارك يرشح نفسة ودة مش توريث طبعا ....دى قمة الديمقراطية ....وعايزة اقولك انة فية واحد اتعذب فالسجن عشان يعترف انة قتل بنتة .....وبنتة مامتتش اصلا ...عارف نظام قول ان "العلبة دية فيها فيل" ..! المهم عذب الراجل لمدة يومين متواصل وبعدين جزاء الضابط اية ...لما تم اكتشاف ان الراجل كان هيخلص فايدة وبقت فضيحة ....يومين خصم ....وبالنسبة لموضوع التموين نسيت تقول المكرونة المعجنة ...والرزبقة دة عايز امكانيات ضخمة لازالة الكائنات الحية ....اللى هية مش سوس طبعا ...لا ن الطين والسوس عارفينة وخلاص اتصاحبنا علية ....انما فية حاجات جديدة بتمشى بردة ....الظاهر الحكومة كل سنة فجديد عشان الناس متملش...
المتمرد \ ربنا يستر ....هى ديتها سلسلة وحظاظة ولبانة ....تبقى فامان ....بس مين يقدر
اخى عمر غالب \ معك حق وان شاء الله سازور مدونتك ...جزاك الله خيرا
مروة ، يامروة ..رمضان كريم فكل سنة وأنت والأسرة الكريمة بخير ، بالصحة والسعادة وراحة البال ، قولي يا رب ..
جزاك الله خيرا على الدعاء....ويا رب المسلمين جميعا
مروه جزاك الله كل خير يا بنت بلدي الحر .... القصه إللي بتقولي عليها فعلا حصلت في قسم المنتزه والبنت طلعت ما متيتش ولا حاجه ....وربنا يخلينا الفكر القديم والجديد والإنطلاقه الثانيه نحو المستقبل .
أشكرك أختي مروة على هذه الفكرة/ لدي من هذه القصص الكثير مما يشيب له الولدان، هم فعلا من خيرة الناس، ومن الجميل أن تتذكرهم ونحن ننعم بالحرية، لعل أحدا يذكرنا حين نكون في مكانهم "اللهم احفظنا جميعا"..
افندينا وحست مدنى \ جزاكم الله خيرا وادام الله عليكم وعلينا الصحة والحرية
كل مواضيعك تتعلق بالمنتجعات، تقبل الله صيامك و قيامك بمزيد من الأجر و الثواب، آميــــن.
قصص ومواقف مؤلمة وتعبر عما وصل اليه حالنا من ذل وهوان
ومن استبداد لمن في يده السلطة
وبعد ذلك يخرجون علينا ويتغنون بالديمقراطية
نعم انه العبور الي المستقبل الاعتقال وسحق كل من يقول كلمة حق يريد بها وجه الله
رايى الوقوف وحيدا ليس حل؟؟؟؟ظالكطلوب مساعدة هؤلاء ليس بالدعاء فقط؟؟؟؟لا بد العمل على اخراجهم بالوقوف معهم فى وجه الظلم والطغاة كيد واحدة.....amoooos