يا خويا روح كدة واتنيل********* بلا شغل صغار
يمين تلاتة على يمينك **********لتشعلل نااااااار
هو انت قادر على بيتك **************لما تطلق
ولا انت عارف تتكلم *************او يوم تنطق
عاملها فولة على لسانك **********ليل ويا نهار
لو روحتى لامك او لاختك *******متجيش الدار
وتكونى طالق يا ولية ودة ***********************مش بهزار
وتقوم حريقة فبيت فاطمة *************والكلمة تصبح ميت كلمة
والشتمة مبعوتة بشتمة **************************وتشعلل نار
وييجى اخوها المتنرفز**************************وفايدة احجار
يضرب راجلها اللى مبوز***********************ويقول يا حمار
دى فاطمة ستك تاج راسك ******لو كنت راجل طلقها مش زى الفار
بتخش جحرك تتخبى********************اصل انت عاريز تتربى
يا سى عب ستار
طبعا سى عبدة فلحظة طيش
رما اليمين دوغرى عليها بعد مشانق
واحتاس يا حسرة مع اولادة
مين بعد فاطمة يربيهم مين هيرافق
قام من خيابتة راح اتجوز
وبعد شهر كان اتخانق
نفس الحكاية وكررها
رمى يمينة على التانية
قالها طاااااااااالق
د \ جمال مرسى
كتبها مروة في 04:50 صباحاً ::
56 تعليق
في08,أيلول,2006 - 09:13 صباحاً, أحمد بهجت كتبها ...
يا نهار أسود .. طالق تانى ... جميل جداًالشعر .. هل تعرفين أن بمصر كل 60 ثانية مطلقة جديدة يعنى فى الساعة 60 مطلقة يعنى فى اليوم 1440 ... فى الشهر 43200 يعنى فى السنة 518400 .... ودى أخر احصائية .. يعنى بعد 10 سنين تكون ستات البلد كلهن مطلقات ... وسلميلى على محكمة الأسرة
في08,أيلول,2006 - 09:51 صباحاً, حسن مدني كتبها ...
يا عم هو حد عارف يتجوز لما كمان ح يطلق.. حلوة يا مروة.. وإحصائية شيقة يا أحمد بهجت
في08,أيلول,2006 - 10:22 صباحاً, عماد السامرائي كتبها ...
اهلا مروة و عودة جميلة ... وظريفة ... وهادفة و تحمل قضية مهمة ... تحيتي لك ..
في08,أيلول,2006 - 12:34 مساءً, دولة الهانم كتبها ...
ليتنا نعض على ألسنتنا قبل أن نتهور بهدم البيوت ... شكرا لك
في08,أيلول,2006 - 11:36 مساءً, أفندينا كتبها ...
هذا هو التعليق الثاني ... ردا على أخي حسن ... إللي عاوز يتجوز بيتجوز ...مش دي المشكله لكن المشكله بتيجي في بعض الأحيان بعد الزواج ... باقي ليكي تعليق واحد النهارده يا مروه ... سلااااااااااام.
في09,أيلول,2006 - 12:54 صباحاً, حسن مدني كتبها ...
فخامة أفندينا.. أنا كنت باهزر، بما أن الشعر ساخر. لكن فعلا ارتفاع نسبة الطلاق أصبح مشكلة ضخمة في مصر وغيرها، وهي تتزايد، وكنت باحضر مقال حول أسباب فشل العلاقات الزوجية، بس لسة عايز شغل..
في09,أيلول,2006 - 04:03 صباحاً, عصام البغدادى كتبها ...
يمين الطلاق فعلا ما فيهوش هزار .. فلو واحد قال ل مراته انتى طالق و هو بيضحك أو بيهزر معاها وقع اليمين .. على فكره يا مروه الست اللى انتى جايباها فوق دى باين عليها مفتريه .. ربنا يكفينا الشر !
في09,أيلول,2006 - 11:03 صباحاً, مروة كتبها ...
اخى احمد بهجت \ فعلا رقم مرعب.....جزاك الله خيرا ومع دوام التواصل
في09,أيلول,2006 - 11:06 صباحاً, مروة كتبها ...
اخى حسن مدنى \ شكرا على المشاركة ومع دوام التواصل ان شاء الله
في09,أيلول,2006 - 11:08 صباحاً, مروة كتبها ...
دولة الهانم \ فعلا بس الكلام دة مش لينا ....دة للرجالة عشان هما اللى بيطلقو
في09,أيلول,2006 - 11:15 صباحاً, مروة كتبها ...
افندينا \ اولا كويس انك ضحكت وانت مالكش مزاجك طبعا .....الاجاز خلصت ...صح ؟
في09,أيلول,2006 - 11:19 صباحاً, مروة كتبها ...
عصام \ الست مفترية ؟ .....وجوزها اية..........." سكرة"
في09,أيلول,2006 - 10:15 مساءً, أفندينا كتبها ...
مساء الخيير ... جهزتي الشنطه والمسطره وبريتي القلم الرصاص ولا لسه .
في09,أيلول,2006 - 10:54 مساءً, مروة كتبها ...
جهزت السندوتشات والزمزمية .........والعصااااااااااااية ........ماشى
في10,أيلول,2006 - 01:40 مساءً, saied ashargawy كتبها ...
اية الكلام الجامد دة حاسس انها تجربة شخصية بس بصراحة تمام
في10,أيلول,2006 - 05:30 مساءً, مروة كتبها ...
لية كدة بس يا سعيد ....لا التجربة مش شخصية .....وانا كاتبة ان الزجل بتاع دكتور جمال مرسى ........انا عجبنى واخترتة بس
في10,أيلول,2006 - 10:36 مساءً, طارق محمد محمد على كتبها ...
فيه ايه يا مروة انتى خلاص بقيتى تبع المجلس القومى للمراة .. طب ايه رايك فى الستات بتوع الخلع ...
في10,أيلول,2006 - 11:02 مساءً, أفندينا كتبها ...
فيه إدراج حيعجبك عندي ... مستني تعليقك ... وانا مبتهددددددددددددش قال مسطره قال ... ما تنسيش تشربي اللبن وتغسلي رجليكي قبل النوم .....ماااااااااشي
في11,أيلول,2006 - 01:14 صباحاً, مروة كتبها ...
اهلا طارق \ كويس انك ظهرت اخيرا كنت هسأل عصام عليك .........المجلس القومى للمرأة ..لا طبعا انا ضد تمييز المرأة .............انا بحب الزجل والزجل دة عجبنى وبس ........وبالنسبة لموضوع الخلع فهو مكسب كبيييييييييييييير للمرأة طبعا والحمد لله
في11,أيلول,2006 - 01:18 صباحاً, أفندينا كتبها ...
الفاجومي سيظل زجال الحرافيش كما كان نجيب محفوظ أديبهم ....والله أنا من ساعه ما جاني النهارده وأنا كل شويه أقراه ... فيه إدراجين كمان النهارده التاني فيهم أنا عارف حيعجبك جدا ....سلااااااامي لك
في11,أيلول,2006 - 01:22 صباحاً, مروة كتبها ...
افندينا \ زرت فعلا ادراجك وعجبنى فعلا ......انا مقولتش مسطرة على فكرة انا قلت عصاية ....و بعدين مبتتهددش لية....انا مش بهددك مهو لو عملت الواجب وقعدت ساكت وسمعت الكلام ....يمكن اوقفك عالفصل.....ومش بعيد اشيلك الشنطة والكراسات......وشكرا عالنصيحة
في11,أيلول,2006 - 02:27 صباحاً, عصام البغدادى كتبها ...
السلام عليكم يا مروه .. هاو آر يو ؟ انا جيت و جبت رجّالة الحتّه معايا عشان نشوف موضوع الست المفتريّه اللى فوق دى ! خليها راجل و تنزل .
في11,أيلول,2006 - 10:17 صباحاً, sherif sayed كتبها ...
مروة كل سنة وانتي طيبه ... عيد ميلادك بكره اما موضعك فجيد
في11,أيلول,2006 - 12:31 مساءً, مروة كتبها ...
اهلا شريف \ شكرا لانك واخد بالك ...بس الحقيقة انا يوم 15 يعنى الجمعة ...كتبتها غلط وجيت اصلحها بلقيها ترجع تانى 12....زهقت قلت خلاص اريح الزبون 12 ..12 والله ما بتفرق معنا الايام......لعلمك انهاردة احلى عندى .....
في11,أيلول,2006 - 02:56 مساءً, ROMIL 4EVER كتبها ...
" ريح الزبون " الكلمه دي سمعتها في صالون حلاقه دي صدفه ولا ...؟ على العموم كل سنه وانتي طيبه و مجنونه
في11,أيلول,2006 - 10:53 مساءً, sherif sayed كتبها ...
romil ريح الزبون ))) موجدة ممكن تسمعها في مجلس الانس ... اسف مجلس الشعب بيريحوا الزبون علي الاخرررررررر بيسبوه يتكلم ويسدو ودنهم وبعد كده يرفعوا اديهم فيرد رايس المجلس ( منفقون ) منفاقه بالاجماع !!!! - مروة مكنش لزم تحطي الخمسه ده انا مش هحسدك وبعدين شكلك كده مش نويه تعزمينا علي عيد ميلادك ومش هناكل جتواه (؛
في11,أيلول,2006 - 11:03 مساءً, مروة كتبها ...
رومل \ سمعتها عند حلاق ....مكوجى ....اهى موجودة وخلاص فقاموس اللغة العربية .....بلاش انت ..."ROMIL" بأة ...سمعتها فانهى سوبر ماركت ....
في11,أيلول,2006 - 11:16 مساءً, مروة كتبها ...
اهلا شريف \ كلامك معقول فعلا ....مش حاطة الخمسة عشان الحسد انما هو دة يوم ميلادى فعلا ....لو عايز اغيرة مش مشكلة انا دايما مش باحطة فدماغى ولا باعمل عيد ميلاد لولا ان ليا اخ تؤام هو اللى بيفكرنى باليوم دة دايما
في12,أيلول,2006 - 12:26 صباحاً, أفندينا كتبها ...
الظاهر إنه فيه واحد ظريف بيستظرف وداخل بأسمي ... آسف يا مروه بالنيابه عن الجبان ده ... وأنا من النهارده قررت التحكم بالتعليقات . وتغيير الرقم السري
في12,أيلول,2006 - 01:36 صباحاً, مروة كتبها ...
ماشى \ كلمة السر كتكوت .....مش محتاج اسف ولا حاجة ....انا شوفت نص التعليق برة قلت مش معقول يكون دة كلامك واستغربت ....معروف عنك التدين والحكمة والاحترام ...ربنا يديم المعروف
في12,أيلول,2006 - 01:47 صباحاً, أفندينا كتبها ...
ما الذي يحدث في مكتوب دخلت على مدونه مروه فوجدت تعليقا سافلا منسوب لي وقد ظننت أن أحدا ما قد دخل على جهازي ونسخ الرقم السري لي فنزلت الآن لكي أكتب لكم من أحد مقاهي الأنترنت المفتوحه الآن حيث أن الساعه الرابعه والنصف صباحا . في الحقيقه لا أعلم ما الذي يستفيده هذا الشخص من تلك الأفعال كنت أظن نفسي خبيرا بالكمبيوتر ولكن هذا الشخص المجهول الحقير تفوق علينا بالفعل وحتى تخبرنا مكتوب بما الذي حدث وتعلن لنا الرقم الخاص بذلك المجهول فقد قررت التوقف عن التدوين وإلا أن يقضي الله أمرا كان مفعولا لكل الأصدقاء أحببتكم في الله سلااااامي وتحياتي لكم لآخر مره أفندينا ملحوظه : عند ذهابي لمدونه أخي عصام البغدادي علمت أن هذا حدث معه ومع طارق وحسبنا الله ونعم الوكيل... لو يفهمها ذلك المجهول
في12,أيلول,2006 - 12:31 مساءً, عماد السامرائي كتبها ...
اختي مروة .. يبدوا ان افندينا قد تعرضت مدونته للقرصنه ... وهو يريد ان يتوقف عن الكتابة وانا اناشده ان لا يفعل ... وبما ان سوء التصرف وقع هنا ... فارجوا منك الكتابه له انك تتفهمين ما حصل لعل ذلك يفيدنا في ثنيه عن التوقف وعدم الكتابة ... طبعا طلبي هذا يفترض وجود القناعة من جانبك ... املي ان لا يستطيع المغرضون من فرط قلادتنا ... و دمت ...
في12,أيلول,2006 - 09:34 مساءً, المصطفى اسعد كتبها ...
إدراج جميل ومميز يا أخت مروة، واصلي وفقك الله ولك مني كل الود،( فقط بس ملاحظة صغيرة لا تحزنوا من التعليقات السخيفة والتي يعمل البعض على التشويش علينا من خلالها فلا تعطوه هذه الفرصة) وشكرا
في12,أيلول,2006 - 10:53 مساءً, أفندينا كتبها ...
لو أنتم فاكرين إنكم حتخلصوا من أفندينا بالساهل ...لن يحدث ذلك أبدا ... فبعد موته سيسلم الحكم لأبنه الصغير .................................... عموما والحمد لله إنكشف ما فعله السيد المجهول بي وبعصام وببنت الشرق وبطارق وإقبال التميمي ومحمد وجدي وطبعا بك ..ز وشكرا لمكتوب على فكره غير موثق ... ونتمنى بأن لا تسمح بالدخول بأسم آخر نهائيا ... وربنا يديم المعروف بيننا جميعا ... سلااااااااامي
في13,أيلول,2006 - 12:26 صباحاً, مروة كتبها ...
والله كتبتلك نعليق من شوية بس النت عندى " يخنق" بعد حرب اما افتح مدونتى ..."يفصل "..... ما علينا ...يااااااااة كل الناس دى شربت مقلب بردة ....عموما حكم اية اللى انت جاى تقول علية ....المحروسة ...اصبحت منحوسة ....مفقورة ..مووكوسة ....تصدق حلوة حكاية الكوسة ....وبعدها كوباية مية ...هتلاقى نفسك خفيت .....واما عن ابنك ربنا يتولاة ...فى ظل وزير الجهل الجديد ....وشكرا لعماد طبعا على اهتمامة وكنت عايزة ارد علية بس النت مش مساعدنى ......اخى المصطفى اسعد جزاك الله خيرا وفعلا معك حق
في13,أيلول,2006 - 02:46 مساءً, د.اسماعيل عبد اليوسف كتبها ...
مروة ..خفيفة الظل...متمكنة من نفسها ..كتابتهاموجهة ..وناعمةتنخز ماتريد بلطف وهدوء,فتؤثر فيه وتكون قد اصابت ما تريد بكتابتها.....تحياتي لك ودمت
وادعوك لزيارت مدونتي .
في14,أيلول,2006 - 12:44 صباحاً, أفندينا كتبها ...
منتظرين النت عندك ربنا ينفخ في صورته ويقوم بالسلامه .......الملقب كان جامد قوي عند إقبال التميمي ومحمد وجدي والنار كانت مولعه هناك لدرجه أني فكرت أطلب المطافي لكن الله سلم وله الحمد....... أما عن الحكم وإبني فأنا وأنت وكتييييييير من أصحابنا عارفين أنا أقصد إيه ومين ... ربنا يجعل كلامنا خفيف عليهم.......سلااااام
في14,أيلول,2006 - 12:17 مساءً, اسدالله الغالب كتبها ...
ههههههههههههه الله الله الصوره ده متجابه من داخل كل بيت مصري
على العموم الحل موجود لكن احنا بنلف حوالين نفسنا احنا دايما بنتخانق لكن عمر ما واحد اخد مراته على جنب او واحده تاخذ زوجها على جنب ويتناقشوا في سبب الخناااااق
على العموم
ويا مروه الموضوع ده مستفيض وكبير ولو قراتي مقالي الجديد واسلوبي في الكتباه المنظم شويه فاعرفي اني هاكتب عن الموضوع ده باستفاضه من خلال يومي الثلاثاء والخميس واهلا بكم في بيت الشباب في مدونتي
يا رييييييت تكون تعليقاتك وارائك تسبق الاخرين ان اعجبكي اسلوبي وشكرا
اسد الله الغالب
في14,أيلول,2006 - 02:20 مساءً, saied ashargawy كتبها ...
اية يا مروة فين الجديد انا مستنى ومتزعليش انا قولت حاسس انها تجربة شخصية لانى حسيت انها طبيعية جدا وانتى كاتبة جامدة جدا سعيد الشرقاوى
في14,أيلول,2006 - 05:08 مساءً, المسافر كتبها ...
شكرا لك ووفقك الله.......
في15,أيلول,2006 - 03:37 صباحاً, مجهول كتبها ...
انا حبيت اقولك انى موجود و ما قدرتش افتح النت من غير ما اعدى عليكى .. و بالمره اشوف حصل ايه للست ام لسان طويل دى .
في16,أيلول,2006 - 09:01 مساءً, مروة كتبها ...
دكتور اسماعيل \ شكرا على الكلام الجميل دة وهزور مدونتك ان شاء الله
في16,أيلول,2006 - 09:02 مساءً, مروة كتبها ...
افندينا \ اة والله النت فعلا سىء...... دعواتك بأة مش قاعد تتفرج
في16,أيلول,2006 - 09:06 مساءً, مروة كتبها ...
أخى\ عبد الرحمن اة طبعا ...ان شاء الله هشوف موضوعك
في16,أيلول,2006 - 09:07 مساءً, مروة كتبها ...
اخى سعيد \ ربنا ميجيب زعل وعلى دوام التواصل ان شاء الله
في16,أيلول,2006 - 09:30 مساءً, مروة كتبها ...
اخى المسافر \ جزاك الله خيرا وعلى دوام التواصل ان شاء الله
في16,أيلول,2006 - 10:02 مساءً, أفندينا كتبها ...
أخيرا مروه رجعت ...ياستي الضابط أسمه المرزوقي وكان يعمل بأمن الدوله وكان بكمين الزعفرانه عندما قام بما قام به .... تحياتي وسلاااااااامي لك
في17,أيلول,2006 - 07:04 مساءً, أفندينا كتبها ...
والله يا مروه جالنا إحباط من كتر الكلام ومفيش جديد ....ربنا المستعان
في17,أيلول,2006 - 08:32 مساءً, elmotmrd كتبها ...
السلام عليكم ورحمة الله وبركاته
هذه اول مرة على ما اذكر ازور مدونتك واعلق بها موضوعك جميل يا مروة
واتمنى ان ربنا يوفقك وتكملى الطريق وخلى بالك من مارينا _ده سيم عن امن الدولة فى مصر _
بالنسبة لحكاية امجد انا قرات تعليقك وحبيت ارد عليه لو ما يضايقيكش
امجد ده جرى جدا لانه زى ما جيه فى جورنال الفجر انه كان حابب يتكلم مع الصحفيين ويقول ليهم على اللى حصل والدليل على شجاعته انه لم يتهرب مما حدث ومااتهربش من الصحافة واسم الجانى هو ايمن المرازقى على حسب معلوماتى من جورنال الفجر
وارجو انى كنت ضيف خفيف عليكم
في18,أيلول,2006 - 02:14 صباحاً, مروة كتبها ...
افندينا \ احباط لية بس ان شاء الله بعد كل ضيق فرج ....ربنا المستعان طبعا بس انت لازم تعمل اللى عليك طبعا ....يعنى انت مثلا ...كل مرة تغلبنى وانا من زمااان ساكتة وعايزة اقولك " حسن خطك " .....! رمضان كريم
في18,أيلول,2006 - 02:16 صباحاً, مروة كتبها ...
المتمرد\ وعليكم السلام ورحمة الله وبركاتة ....لا ميضايقنيش طبعا وشكرا عالمعلومات .....واهلا بيك دايما فمدونتى
في18,أيلول,2006 - 07:12 مساءً, elmotmrd كتبها ...
جزاكى الله خيرا يا مروة
في18,أيلول,2006 - 07:20 مساءً, elmotmrd كتبها ...
ههههههههههههههههههه ماشى يا مروة قصدى يا ستى اطاطا على فكرة انا جاى اهدى النفوس بس
بس من رايى ان الشيطان اكبر شر بيواجه الانسان فى الدنيا ولو الانسان قدر يواجهه فعلا
هيقدر يغلب اى شى فى الدنيا مهما كانت قوته وحجمه .
وحكاية البنت والولد الولد بيستغرب ازاى بنت تسكت وبعد رمضان الشيطان بتاعتها تشتغل
وفى تعليق على حته انسان جديد يا ترى تقدرى تفسرى اللى بيحصل فى العيد ؟؟
في18,أيلول,2006 - 09:55 مساءً, مروة كتبها ...
المتمرد \ جزانا واياكم .....لا النفس اقوى من الشيطان ....الولد المفروض ميستغربش المفروض يخلع ويحل عنها وهى تبقى كويسة ......واللى بيحصل فالعيد...تقصد اية ..."الكحك " ....اةةةة اللى بيحصل فالعيد ان بعض الناس ايمانهم بيضعف بعد رمضان وبيساعد على دة اصدقاء السوء اللى مستنيين رمضان يخلص بفارغ الصبر وحتى قبل ما يخلص بيخططو للمعاصى اللى هيعملوها فالعيد مش عارفين ان ممكن يكون آخر رمضان ليهم وفرصتهم فى العتق من النار تضيع
في31,كانون الأول,2006 - 08:29 صباحاً, مجهول كتبها ...
شكرا لك يا مروة نقل هذه القصيدة الزجلية لي
نعم إن مشكلة الطلاق مشكلة مؤرقة و أصبحت ذائعة الحدوث في مجتمعاتنا العربية
و لعل هذه القصيدة هي نقل حي لمشهد دائم الحدوث في وطننا
العصبية و الغيرة و التطاول و قلة ضبط النفس و أشياء أخرى تؤدي لهذه الظاهرة المتفسية
شكرا لك أخيتي
و تقبلي ودي
د. جمال مرسي
في27,كانون الثاني,2007 - 10:34 مساءً, مروة كتبها ...
شكرا لك د.جمال\ هذا من دواعى سرورى انا وان كان نقلى اياها لاعجابى بها اولا ...ولكنها فرصة ان اشكرك على هذا العمل الرائع ....ولا تحرمنا من الزيارة