لن أبدأ بالجملة الرنانة "فى اوروبا والدول المتقدمة "يتبعون المنهج العلمى لأنة ببساطة معنديش عقدة الخواجة" وربما سبب فشلنا هو محاولتنا لبس فستان الغرب و هو مش على مقاسنا فاصبح منظرنا وحش قوى كنا عايزين نبقى حلوين فاصبحنا اكثر قبحا
اذن :لماذا نتبع سياسة الفوضى ؟وكأنها اصبحت منهجنا المفضل !نحن افرادا ودولة نعيش الحياة اما ارتجالا ولا نتبع المنهج العملى فى التفكير من اهداف ووسائل تحقيقها او خطط بديلة ونتخذ قرارات فردية دون استشارة الاخرين مع سد الاذان
اولا :سياسة الفوضى الحكومية تتجلى فى وزارة التربية والتعليم فى ظل المعلومات الهائلة والكلام الكبير دة تلاقى كل وزير بعد الكلمتين دول يشيل سنة ستة ويحط سنة خامسة واللى بعدة يشيل خامسة ويحط ستة وفى وزير عاجبنى قوى تبقى المدرسة "زى الزفت " والعيال مش عارفين " يفكو الخط كل دة مش مهم .....المهم تلاقى مكتوب عالحيطة " مدرستى نظيفة وجميلة ومتطورة ومنتجة "بتنتج اية ان شاء الله محدش عارف كل مدرسة تتطلع شوية بلاليص كل بلاص مهمتة حمل الشنطة ورايح جاى فجولة مكوكية لحد ميخلص العام الدراسى وربنا يفرجها ؟
اما بعد تولى سعادة الوزير يوسف والى الذى يولينا عناية خاصة فيستورد كل المبيدات والمخصبات الزراعية من جارتنا الغالية اسرائيل فكانت الخطة واضحة"مرض لكل مواطن " بس ملحقش يا عينى عشاااااااان ولاد الحرام شالوة قبل مايخلص علينا الظاهر فية واحد جاسوس اخترق وزارة الفساد وخلعة
أما وزير الداخلية الهادى دة معروف عنة "لسانة قصير وايدة طويلة "بيمسك أى حد يفتح بؤوة...... الله يعفو عنه واحد جارنا كان بيتتاوب اتمسك
وبقية الوزرا مش هتكلم عنهم عشان تاريخهم مشرف يعنى وزير المالية مثلا برأ زمتة وسلم اللى فخزنة الدولة واللى فجيبة لجمال مبارك ............اة بالمناسبة مش عايزين ننسى الريس حبيب الملايين طول مانا ماشية بادعيلة واهديلة هذه الكلمات بعنوان "مالة الريس"
انا ما باخافش وهفضل اقول
كلمة حق عليها مسئول
ان الريس راجل طيب
وبشعبة دايما مشغول
مشغول انة يلم فلوسنا
برة سويسرا يحوشهالنا
وف حسابات سرية يشيلها
نفسة يأمن مستقبلنا
شوفتو ازاى بأة قلبة رحيم
عندة ايمان وضميرة سليم
بيجوعكوا لجل تخسوا
وانتم محتاجين لرجيم
من جهلكو بتقولو بطالة
وان الاحوال مش شغالة
دا الراجل نفسة يريحكم
هى الراحة تبقى عوالة !
اما حكاية المنتجعات
لية تسموها معتقلات ؟
لية الظن وسوء النية
نفسوا يفسحكو يا بهوات
أما الكرسى اللى اتقال
دة كلام مش محتاج لسؤال
الغلطة دى
غلطتنا يا عالم
ان مجبناش كرسى تيفال
والله انتم ظالمين الراجل
ضيع عمرة ومين يستاهل
حتى الاكل بياكلة بدالنا
طالع واكل نازل واكل
بعد دة كلة ........مالة الريس
كتبها مروة في 04:36 صباحاً ::
نسيت اقول انه زجل\ احمد مصطفى
حقيقة لك أسلوب فكاهي .. لكن المغزى يأخذك إلى المنتجع.
يعطيكي الله العافية ويسلم فمك على الحاجات الحلوة ده يا ريت تكتري منها وما تحرمناش من قراءة كل جديد
فى البدا ية احب ارحب بعقلك المستنير فى عا لم الفكر والنظا م وارجو الا يتغير فكر ك فى يوم من الا يا م عندما تمسكين منصبا مهم او تجلسين احد الكرا سى الكبيرة اذا كان كل الا خ\جيا ل بمثل هذا الفكر فمر حبا بهم فى عا لة الحضار الفكر ية . خا لد را شد
أخى نور الدين فرحات \ اهلا بك لأول مرة فى مدونتى واشكرك على الثناء وعلى تواصل ان شاء الله
ابو لسانين \ اسم مميز اهلا بيك يا ابن بلدى ودايما على تواصل ان شاء الله
اخى خالد راشد \ شكرا لك ولا تقلق من موضوع الكرسى الكبير لان عملى حر ولست موظفة فى الدولة واهلا بك فى مدونتى وعلى تواصل ان شاء الله
دويتو رائع يا مروه انتى و احمد مصطفى .... عاملين زى السمن على العسل او زى العيش و الحلاوه ..... مش كده يا حلاوه !!!!!!!!!
اخىواحد تانى \ اهلا بك ضيف عزيز فى مدونتى أما عن اسئلتك فهمت قصدك ولكن اظل مختلفة لماذا .....الصحافة كشفت القادة العرب ......من اكبر دبلوماسى لاصغر عيل فاهم كويس ان القادة العرب متخاذلين منبطحين ولا يلبون آمال شعوبهم ........هل زاد الرئيس بشار فى شىء ؟.....نعرف انهم انصاف رجال .... بل ليسو رجال اصلا ....ولكنة نفخ فى النار ...فكانت ردة الفعل اسوأ .....لا اخفى عليك عندما سمعتة كنت سعيدة لانة هزأ الحكام لكن رد الفعل ايية....؟ اصبح منعزل كما ذكرت امريكا
اهلا عصام اية دة .....انت باين عليك جعان حلاوة اية وسمنة اية مفيش جبنة .....عموما مش دويتو ولا حاجة دة زجل عجبنى ونشرتة
اسال الله ان يبعدك عن المنتجعات ... وان يبقيك شجاعة لك تحياتي
سمعت عن قلمك وفكرك الساخر اللاذع فأتيت هرولا لكي أهنئ ويصيبني نصيب من بيتيفور المنتجعات بيقولوا لذيذة ... ولن أخفيكِ سراً العيش الحاف أختاه / مروة نشف العود . ولكني سوف أعود . تقديري
السلام عليك يا مروة ورحمة الله وبركاته ... إلى الأمام دائما
السلام عليك يا أخت مروة تحايتي الخالصة
تقليد الضعيف للقوى اخدنا من الغرب الدى يسى لنا اكثر من المفيد نقلدهم بالملابس ولانقلدهم بدقة الموعيد...نقلدهم بقص الشعر ولا نقلدهم بااتقان العمل نحن اصبنا الضعف والخلاف وهده من اهم الاسباب
الاخت مروة لقد تعلم من الغرب سابقا اثناء النهضة الاسلامية وبالرغم من ذلك تفوقوا علينا لانا بعدنا عن العلم واهانا العلماء ومن لم يهن هاجر الى الغرب والامثال لدينا كثيرة .
أخى عماد \ ربنا يبعدنا عن المعتقلات جميعا ............و يدخل فيها اللى بالى بالك
أختى عبلة \ انا سعيدة قوى بزيارتك يا بنت بلدى .....واتمنى تكرار الزيارة ...لكى تحياتى
وعليكم السلام ورحمة الله وبركاتة شكرا لك على الزيارة والمشاركة
أخى الغريب \ صحيح مع ان الاسلام كفل لنا الريادة فلو اتبعنا تعاليم الاسلام لكنا فى مقدمة الامم اهلا بك فى مدونتى مع دوام التواصل
اهلا طارق \ فعلا صح مثل احمد زويل وغيره
وأطيعوا الله وأطيعوا الرسول وأولى الامر منكم
ربنا يحميكى يابنتى أحسنتى وإلى الأمام
الاخت مروة الريس بتاعتكم عيب تشتميه كده ده له مكانة كبيرة في جمهورية النوم العربي المخلص الواسطي مؤسس جمهورية النوم العربي
رائع الكون ...وجميلة المشاعر وجالبة للمشاكل ..وكله واكل ..
اخى الواسطى \ فعلا مبارك ابو النوم .........لا دة مش نوم.......دى غيبوبة
مقالة جميلة بارك الله فيك ووفقك وواصلي نضالك
إختي مروه شكرا للدعاء والحمد الله على ما أعطى والحمد لله على ما أخذ بأنتظار زياراتك دائما.
أما عن طويل العمر اللي هو أفندينا بحق وحقيقي فهانت إن شاء الله ولكن المهم في اللي جاي
لقد توقفت لمدة أسبوعين بسبب سفري أتمني معرفة رأيك في (المدونات إلى أين؟!! ) و أنتظر المزيد من الكتابة الشيقة http://www.maktoobblog.com/hesham-fayed ومزيدا من التواصل بيننا صديقك هشام
مرحبا بم عزيزتي مروة صديقة دائما و أتمني المزيد من التواصل
افندينا \ حمدالله على سلامة والدك انشالله دايما
يعنى بعد كل اللى قلتيه فى ادراجاتك و تعليقاتك و الصور وووووووووووووووووو جايه تردّى على تعليق عماد و تقوليله اللى بالى بالك !!!!!!!!!!
انا المجهول يا مروه بس مش عرف النت ماله ؟ اصل دى اول مره فى حياتى اكتب فيها تعليق .. صدقينى !
والله الي انا شايفة ان الدول ماشية لحالها بدون اي توجية يعني على الله
عصام ......اهلا..اول مرة فحياتك تكتب تعليق........ صادق من غير حلفان .
اخى المسافر \ فعلا "ارتجالى" بدون تخطيط
ردا على تعليقك على اللون الأحمر والحوار العائلي إللى كان فيها فعلشان تعرفي إن أفندينا يحترم الرأي والرأي الآخر بحق وحقيقي مش زي اللي بالي بالك فقد قمت بحذف هذا الحوار وقررت إرساله برساله لمن كتب إليه . أما عن الزمالك فلازم تعرفي أن ولي النعم أفندينا مولود بقلب أبيض وخطين حمر ( شعار الزمالك ). مع خالص تشكراتنا .
روحك رياضية فعلا .......... بس من غير ولى النعم