من أولها رفعت أيديك ...............من أولها خسرت رهانك
من أولها الكون حواليك..............فاتك وانت وقفت مكانك
للدرجة دى كنت ضعيف...........للدرجة دى اليأٍ س مخيف
ولا دة كلة سحابة صيف ...............ولا الحلم فقلبك خانك
من اولها خسرت رهانك
اللى يشوفك قبل امبارح ..............كان هيقول فارس مغوار
كان هيشوف الصقر الجارح .....كان هيشوف معنى الاصرار
كان هيشوف الامل الطارح ..........كان هيشوف الضلمة نهار
ييجى يشوفك وانت مطاطى ..................تاية فالتيار العاتى
تبكى بدمع اليأس ليلاتى.............واقع من فوق دهر حصانك
من اولها خسرت رهانك
كلمة فسرك انا مكسوفلك ...............أًصل حقيقى شكلك بايخ
مش معقولة يكون موصوفلك ..............تبقى فعز شبابك شايخ
تمشى ورجلك مش شايلاك...........تجرى ويأسك يجرى وراك
تقفل بابك والشباك ........................علشان ابقى صريح وياك
مش هتغيب الشمس عشانك .............من اولها خسرت رهانك
زجل \ اسامة عبد الصبور
كتبها مروة في 08:50 صباحاً ::
21 تعليق
في15,آب,2006 - 09:37 صباحاً, خا لد را شد كتبها ...
الا نسة مروة فى البدا ية احب احييك على مو هبتك التعبير ية فى الشعر واقتر ح انا تتقد مى با شعا رك الى شر كا ت الا نتا ج حتى يستمتع النا س بهذهى امعا نى الجديدة واتمنى لكى التو فيق
في15,آب,2006 - 11:07 صباحاً, طارق محمد محمد على كتبها ...
يامروة كنت اتمنى ان تهدى هذا الزجل للحكام العرب الذين راهنوا على اسرائيل وخسروا الرهان ..
في15,آب,2006 - 11:11 صباحاً, عصام البغدادى كتبها ...
اختيار ممتاز يا مروه .... اتمنى من الله ان تواصلى فى اسرع وقت ممكن لاْن الحرب خلصت و الحكّام هتفضى لقراءة النت و قلبى معاكى .
في15,آب,2006 - 01:14 مساءً, nabil frihmat *اللهم ارزقني الحياة على خطى الحبيب المصطفى* كتبها ...
السلام نحن أمة الحبيب محمد صلى الله عليه وسلم ، سنبقى دوما على العهد رغم كل الصعوبات،نحن امة نملك اقوى و امتن عقيدة على و جه الارض و نملك حقا لا بد ان يسترد، و الدليل حفنة من الرجال فى جنوب لبنان استطاعو ان يحققو المعادلة..... اتمنى تعليقك على مدونتى " nabil frihmat
في15,آب,2006 - 03:19 مساءً, دولة الهانم كتبها ...
شكرا لكلماتك فى الصميم ... لكن هل تعتقدين أنهم ممكن أن يخجلوا مثل البشر العاديين
في15,آب,2006 - 10:17 مساءً, ثروت نورالدين كتبها ...
جميل انتقائك لتلك الازجال المعبرة
في15,آب,2006 - 10:59 مساءً, مروة كتبها ...
الحكام هتفضى لقراءة النت ............مين .....الحكام ! اللهم عافينا انت فاكرهم بيعرفو يقرأو ...........تفتكر وزير الخارجية السعودى اللى مش عارف يمسك دماغة ............عامل "زار " فالمؤتمر الصحفى ومش عارف يقول كلمتين على بعض بيعرف يقرأ
في16,آب,2006 - 09:05 صباحاً, محمود شلّح - شاعر العيون الحزينة كتبها ...
صديقتي الغالية مروة ، أتشرف بمعرفتك صديقتي وأنا سعيد جدا ، وشكرا على مرورك وتعليقك المميز بموقعي ، فعلا كلماتك رائعه جدا ، إستمر صديقي بالتوفيق . من أرض غزة أحييك ، وسلامي الحار من فلسطين ، بالتوفيق دائما شكرااااااااااااا. مع تحيات : شاعر العيون الحزينة ، غزة ، فلسطين .
في16,آب,2006 - 08:40 مساءً, مروة كتبها ...
أخى عصام \ شكرا عالسؤال ......باين عليك فاضى وبتعانى مالفراغ .....خد الوقع دة فية مواضيع حلوة قوى www.montada.arahman.net هو اساسا موقع شعر وزجل بس فية كلة سياسة وفن موقع قيم بجد والنت مش عطلان .....لو عايزة عطلان ماشى ....بس انا على فكرة مش بأستقبل أى ايميل من حد معرفوش ...أو حتى اعرفة .....أًصل الايميل دة مضروب ...........عملتة عشان ادخل المنتدى
في16,آب,2006 - 08:49 مساءً, مروة كتبها ...
أخى محمود \ الشاعر الكبير مشاركة قيمة من ارض غالية ان شالله على تواصل
في17,آب,2006 - 12:57 مساءً, أحمد الضبع كتبها ...
الأخت مروة / لوتعرفى أسامة عبد الصبور يا ريت تشكريه بالنيابة ،أما بخصوص التصميم الحزين فالواقع الذى تعيشه فلسطين الآن أحزن وأحزن .. بل هو أحزن مما حدث فى لبنان
في17,آب,2006 - 02:17 مساءً, بْلا فْرَنْسِيَّه كتبها ...
سعدت كثيرا بمرورك الكريم على مدونة (بلا فرنسية) وتعليقك على موضوع الأمم المتحدة. أتمنى تكرار الزيارة وشكرا. اخوك احمد
في18,آب,2006 - 01:40 صباحاً, أفندينا كتبها ...
الأخت مروه أعتذر للتأخر في الرد ولكن عند زيارتك القادمه لمدونتي ستعرفين السبب ... أختيارك جميل جدا وفي مناسبته ولكن هل يجدي مع الانطاع ناهبي قوت الشعب ممن أثروا على حسابنا وتركوا الرعيه لموائد الرحمن هذا الكلام مع جماله وروعته . . . ولكن هم يستحقوننا ونحن نستحقهم . والشعب اللي يتعمل فيه كل ده ويفضل ساكت يستاهل الضرب بالجزمه ." لعمري ما ضاقت بلاد بأهلها ... ولكن أحلام الرجال تضيق " الشاعر أبن الرومي .. مع خالص التحيه في إنتظار زيارتك لمدونتي دائما يا صاحبة الصون والعفاف إمضاء أفندينا... لا تنسو ... ولي النعم
في18,آب,2006 - 01:43 صباحاً, أفندينا كتبها ...
نسيت أقولك أنه من احلام أفندينا بأعتباره دوده قرايه أنه ربنا يمد في عمره ( أويييي ) لحد ما يقرا اللي حيتكتب عن فتره حكم الأسره المباركيه وزي ما بيقولوا يا ماشي كتر من الفضايح
في18,آب,2006 - 07:00 مساءً, مروة كتبها ...
أخى احمد \ لا ماعرفوش بس ممكن اشكرة وبالنسبة للتصميم انا رديت عليك فى مدونتك ارجو ان تكون قرأتة
في18,آب,2006 - 07:02 مساءً, مروة كتبها ...
اخى احمد \"بلا فرنسية " دمت وسلمت على تواصل باذن الله
في18,آب,2006 - 07:27 مساءً, مروة كتبها ...
أفندينا \ اسمحلى مش موافقاك نحن لا نستحق هؤلاء الحكام واكثر مثال على ذلك هو ابطال جنوب لبنان بعد كل هذا النصر تجد العملاء فى الحكومة ورئيس الحكومة يتآمرون قبل ان يجف دماء الشهداء فهل يستحق هؤلاء الابطال جنبلاط والحريرى وكل الخونة .......وبالنسبة لحلمك لا دة مش حلم دة كابوس حرام عليك انا مش عايزة اعيش و اشوف اليوم دة
في20,آب,2006 - 11:47 مساءً, بشير عيـّـاد كتبها ...
للمرة الأولى أقرأ لأسامة عبد الصبور .... هذا زجال هائل من طراز أحفاد بيرم الحقيقيين ،، من الممكن لأسامة أن يكتب الأغاني بشكل رائع أيضا .... شكرا له ، و لك يا مروة على حسن الاختيار
في22,آب,2006 - 09:51 صباحاً, D.isam. m كتبها ...
عزيزتي مروة الغالية حبي لكِ وأشكركِ على مدونتك القيمة والهامة . استمري يرعاكِ الله ولا تنتبهي لبعض التعليقات التي لا تنم إلا عن جهل للحقائق . مع التواصل دوما د.عصام
في09,أيلول,2006 - 07:38 مساءً, مروة كتبها ...
اخى بشير \ جزاك الله خيرا .......وهذا الزجل وغيرة فى موقع الشاعر \ عبد الرحمن يوسف
في09,أيلول,2006 - 07:41 مساءً, مروة كتبها ...
اخى دكتور عصام \ شكرا لك على المشاركة ومع دوام التواصل ان شاء الله