كل سنة وانت طيب
واحنا مش طيبين
كل سنة وانت حاكم
واحنا محكومين
واحنا مظلومين
واحنا متهانين
ويا تري يا حبيب الملايين
فاكرنا وللا احنا خلاص منسيين
فاكر المعتقلين
فاكر الجعانين
فاكر المشردين
فاكر اللي ماتو محروقين
فاكر الغرقانين
الله يكون في عونك - ها تفتكر مين وللا مين
في المناسبة دى هقولك كلمتين
الأوله
شيلتنا طين
و هل تعلم أن النيل بقي رشاح
و الجو أصبح بيئة والعيشة ولعة
و الشرفا قلوبهم عالبلد والعة
و انت عاملهم مذبحة ولا بتاعة القلعة
و الإقتصاد سداح
و السرقة بقت كفاح
و مصر متاحة بس للسياح
و عرض البلد بقي مستباح
و الثانية
ورتنا الويل
دا الخطوة في عهدك بقت ميل
و الضحك بقي نواح و عويل
و الكوسة
عارف الكوسة
ممكن أقول لك فيها مواويل
و الجامعة بقت يا إما كباريه أو دار مسنين
و الشباب معظمهم من غير خمرة سكرانين
و العلم عز علي المتعلمين
و الأساتذة بقم دجالين
و القادة بقم طبالين
و اديني في الهايف يا حبيب الملايين
و الثالثة
عارف اليابانيين
زمان في سنة اتنين و خمسين
كان عندنا تروماي و كان عندنا علم و متعلمين
و ثقافة و مثقفين
و أدبا و علما و فنانين
و كانو اليابانيين
بالنووي لسه مضروبين
و للصدقة مستحقين
دلوقتي إحنا فين و هما فين
هما فوق و احنا في أسفل سافلين
و الرابعة
أمن بلدنا بقي تنين
و المحاكم اتملت مظالم
و العدالة بقت كمالة
وكلمة الحق فالزبالة >>
و أصحابها في الزنازين
و الخامسة
القطاع العام....عام
و الفساد.....ساد
وفي جتة بلدنا بيرعي
أفتكر لجنابك إيه و للا إيه
و كل ذكري ليك بدمعة
آآآآآآآآه آآآآآآآآه
أنا كنت حالف ميت يمين
اكتب عن كل بلاويك يا زفت الطين
بس ها كفيهم ورق منين
و كل سنة و انت ............
و احنا طيبين
كتبها مروة في 12:05 صباحاً ::
106 تعليق
في15,كانون الأول,2006 - 01:05 صباحاً, ¤©§][§©¤][ أفنـــدينا ][¤©§][§©¤ كتبها ...
المشكلة أن أنا عندي ضعف من ناحية أحمد فؤاد نجم
يعني عايز أعرف هو كان شارب إيه لما كتب الكلام إللي فوق طربوشي ده
عموماٌ ربنا يسترها عليه وعلينا
وخفي شوية علشان العيال بتوعك في المدرسة عاوزينك
ولو كنت زهقت من الدنيا أنا ححجزلك العنبر إللي جنبي في سجن برج العرب
والآن لك ما كتب نزار ( المهرولون ) والمعنى في كرش الشاعر مع الإعتذار
سقطتْ آخرُ جدرانِ الحياءْ
وفرحنا.. ورقصنا..
وتباركنا بتوقيعِ سلامِ الجبناءْ
لم يعد يرعبنا شيءٌ..
ولا يخجلنا شيءٌ
فقد يبستْ فينا عروقُ الكبرياءْ...
سقطتْ.. للمرةِ الخمسينِ عذريّتنا..
دونَ أن نهتزَّ.. أو نصرخَ..
أو يرعبنا مرأى الدماءْ..
ودخلنا في زمانِ الهرولهْ..
ووقفنا بالطوابيرِ، كأغنامٍ أمامَ المقصلهْ
وركضنا.. ولهثنا
وتسابقنا لتقبيلِ حذاءِ القتلهْ..
جوَّعوا أطفالنا خمسينَ عاماً
ورمَوا في آخرِ الصومِ إلينا..
بصلهْ...
سقطتْ غرناطةٌ
للمرّةِ الخمسينَ – من أيدي العربْ.
سقطَ التاريخُ من أيدي العربْ.
سقطتْ أعمدةُ الروحِ، وأفخاذُ القبيلهْ.
سقطتْ كلُّ مواويلِ البطولهْ.
سقطتْ إشبيليهْ..
سقطتْ أنطاكيهْ..
سقطتْ حطّينُ من غيرِ قتالٍ..
سقطتْ عموريَهْ..
سقطتْ مريمُ في أيدي الميليشياتِ
فما من رجلٍ ينقذُ الرمزَ السماويَّ
ولا ثمَّ رجولهْ..
سقطتْ آخرُ محظيّاتنا
في يدِ الرومِ، فعنْ ماذا ندافع؟
لم يعدْ في قصرِنا جاريةٌ واحدةٌ
تصنعُ القهوةَ.. والجنسَ..
فعن ماذا ندافعْ؟؟
لم يعدْ في يدنا أندلسٌ واحدةٌ نملكها..
سرقوا الأبوابَ، والحيطانَ، والزوجاتِ، والأولادَ،
والزيتونَ، والزيتَ، وأحجارَ الشوارعْ.
سرقوا عيسى بنَ مريمْ
وهوَ ما زالَ رضيعاً..
سرقوا ذاكرةَ الليمون..
والمشمشِ.. والنعناعِ منّا..
وقناديلَ الجوامعْ
تركوا علبةَ سردينٍ بأيدينا
تسمّى "غزّة"
عظمةً يابسةً تُدعى "أريحا"
فندقاً يدعى فلسطينَ..
بلا سقفٍ ولا أعمدةٍ..
تركونا جسداً دونَ عظامٍ
ويداً دونَ أصابعْ...
بعدَ هذا الغزلِ السريِّ في أوسلو
خرجنا عاقرينْ..
وهبونا وطناً أصغرَ من حبّةِ قمحٍ..
وطناً نبلعهُ من دون ماءٍ
كحبوبِ الأسبرينْ!!
لم يعدْ ثمةَ أطلالٌ لكي نبكي عليها.
كيفَ تبكي أمةٌ
سرقوا منها المدامعْ؟
بعدَ خمسينَ سنهْ..
نجلسُ الآنَ على الأرضِ الخرابْ..
ما لنا مأوى
كآلافِ الكلابْ!!
بعدَ خمسينَ سنهْ
ما وجدنا وطناً نسكنهُ إلا السرابْ..
ليسَ صُلحاً، ذلكَ الصلحُ الذي أُدخلَ كالخنجرِ فينا..
إنهُ فعلُ اغتصابْ!!..
ما تفيدُ الهرولهْ؟
ما تفيدُ الهرولهْ؟
عندما يبقى ضميرُ الشعبِ حياً
كفتيلِ القنبلهْ..
لن تساوي كلُّ توقيعاتِ أوسلو..
خردلهْ!!..
كم حلمنا بسلامٍ أخضرٍ..
وهلالٍ أبيضٍ..
وببحرٍ أزرقَ.. وقلوعٍ مرسلهْ..
ووجدنا فجأةً أنفسنا.. في مزبلهْ!!
من تُرى يسألهم عن سلامِ الجبناءْ؟
لا سلامِ الأقوياءِ القادرينْ.
من تُرى يسألهم عن سلامِ البيعِ بالتقسيطِ..؟
والتأجيرِ بالتقسيطِ.. والصفقاتِ..
والتجّارِ والمستثمرينْ؟
وتُرى يسألهم عن سلامِ الميتينْ؟
أسكتوا الشارعَ.. واغتالوا جميعَ الأسئلهْ..
وجميعَ السائلينْ...
... وتزوّجنا بلا حبٍّ..
من الأنثى التي ذاتَ يومٍ أكلتْ أولادنا..
مضغتْ أكبادنا..
وأخذناها إلى شهرِ العسلْ..
وسكِرنا ورقصنا..
واستعَدنا كلَّ ما نحفظُ من شعرِ الغزلْ..
ثمَّ أنجبنا، لسوءِ الحظِّ، أولاداً معاقينَ
لهم شكلُ الضفادعْ..
وتشرّدنا على أرصفةِ الحزنِ،
فلا من بلدٍ نحضنهُ..
أو من ولدْ!!
لم يكُن في العرسِ رقصٌ عربيٌّ
أو طعامٌ عربيٌّ
أو غناءٌ عربيٌّ
أو حياءٌ عربيٌّ
فلقد غابَ عن الزفّةِ أولادُ البلدْ..
كانَ نصفُ المهرِ بالدولارِ..
كانَ الخاتمُ الماسيُّ بالدولارِ..
كانتْ أجرةُ المأذونِ بالدولارِ..
والكعكةُ كانتْ هبةً من أمريكا..
وغطاءُ العرسِ، والأزهارُ، والشمعُ،
وموسيقى المارينزْ..
كلُّها قد صنعتْ في أمريكا!!
وانتهى العرسُ..
ولم تحضرْ فلسطينُ الفرحْ.
بلْ رأت صورتها مبثوثةً عبرَ كلِّ الأقنيهْ..
ورأتْ دمعتها تعبرُ أمواجَ المحيطْ..
نحوَ شيكاغو.. وجيرسي.. وميامي..
وهيَ مثلَ الطائرِ المذبوحِ تصرخْ:
ليسَ هذا العرسُ عرسي..
ليسَ هذا الثوبُ ثوبي..
ليسَ هذا العارُ عاري..
أبداً.. يا أمريكا..
أبداً.. يا أمريكا..
أبداً.. يا أمريكا..
في15,كانون الأول,2006 - 05:29 مساءً, عماد السامرائي كتبها ...
رائع .... بل اكثر من رائع .... مبهر ..... تحيتي
في15,كانون الأول,2006 - 08:12 مساءً, مروة كتبها ...
تصدق انا مش عارفة الزجل دة بتاع مين اصلى كنت منزلاه من زمان ومش كاتبة اسم الشاعر علية .......واخف اية لما صاحبنا يخف ابقى اخف ....وبالنسبة للشعر بتاعك ...جميل طبعا ....انت "ذواقة "... ....
في16,كانون الأول,2006 - 07:34 صباحاً, مروة كتبها ...
عماد \شكرا لك ونورت المدونة
في17,كانون الأول,2006 - 04:08 مساءً, اتحاد تدوين بلا حدود - المدونة العامة كتبها ...
يتشرف الاتحاد بعضويتك
ايه رأيك في مسودة اللائحة الداخلية
ياريت عمل وصلة للاتحاد
في17,كانون الأول,2006 - 08:12 مساءً, ¤©§][§©¤][ أفنـــدينا ][¤©§][§©¤ كتبها ...
تمنياتي لك بالشفاء العاجل
في17,كانون الأول,2006 - 11:22 مساءً, مروة كتبها ...
انا الحمد لله تمام ...خفيت وراجعة الشغل بعد بكرة
في17,كانون الأول,2006 - 11:38 مساءً, ¤©§][§©¤][ أفنـــدينا ][¤©§][§©¤ كتبها ...
عوداٌ حميداٌ بأذن الله
وبتلك المناسبة العظيمة لك أهدي ما كتب أحمد مطر تحية لكل السلاطين العرب
الأعادي ،
يتسلون بتطويع السكاكين ،
وتطبيع الميادين ،
وتقطيع بلادي ،
وسلاطين بلادي
يتسلون بتضييع الملايين ،
وتجويع المساكين ،
وتقطيع الأيادي ،
ويفوزون إذا ما أخطئوا الحكم بأجر ا لا جـتها د ،
عجبا، كيف اكتشفتم آية القطع، ولم تكتشفوا رغم العوادي
آية واحدة من كل آيات الجهاد
تحياتي يا بنت مدينتي
في18,كانون الأول,2006 - 06:29 صباحاً, حاج سليمان كتبها ...
اللهم اليك أشكو ضعف قوتي وهواني على الناس يا أرحم الراحمين . أنت رب المستضعفين وأنت ربي . الى من تكلني؟ الى بعيد يتجهمني؟ أم إلى عدو ملكته أمري؟ إن لم يكن بك غضب علي فلا أبالي ولكن عافيتك هي أوسع لي.
في20,كانون الأول,2006 - 01:58 مساءً, طارق محمد محمد على كتبها ...
مروة
كل اللى انتى قولتية يعتبر انجازات عالمية لان مفيش دولة فى العالم فيها كل هذه الانجازات خلال 25 سنة فقط ...
في21,كانون الأول,2006 - 06:49 صباحاً, حاج سليمان كتبها ...
احتمالات ...... ربما الماء يروب ، ربما الزيت يذوب، ربما يحمل ماء في ثقوب ، ربما الزاني يتوب ، ربما تطلع شمس الضحى من صوب الغروب ، ربما يبرأ شيطان ، فيعفو عنه غفار الذنوب، .إنما لايبرأ الحكام في كل بلاد العرب من ذنب الشعوب ..... أحمـــــــــــــــــــــــــــد مطر
في22,كانون الأول,2006 - 10:18 مساءً, حاج سليمان كتبها ...
سلام الله عليك
إسمح لي بالتغريد خارج السرب , قبل أن أذهب لفراشي لأسلم روحي لبارئها , قلت أستودع أحبائي
فليلة سعيدة على توقيت الجزائر , وأحلام لذيذة , هذا يوم الجمعة قد مضى ويوم السبت مبتسماً
إني ولو لم أعلق على موضوعك فلأن موضوعك لا يحتاج للتعليق والرد عليه , لأنه ببساطة
ما دخلت مدونتك إلا لطيبة أفكارك وسلامة عقلك , فلو كنت أفكر في غير ما تفكر لما كتبت لك
هذا السلام وهذه التحية من أخوك الراجي من الله القبول والثبات
مودتي وسلامي , إنها كلمات الليل فلم أجد ما أقوله سوى هذا الكلام فلا تعاتبني على ركاكة أسلوبي
تقديري وإحترامي .ليلة مباركة .
في24,كانون الأول,2006 - 05:41 مساءً, محمد صفوت كتبها ...
مروة مدونتك جميلة ورائعة وانا بحب اقرائها جدا وارجو ان تزوري مدونتي
في24,كانون الأول,2006 - 06:57 مساءً, مروة كتبها ...
افندينا \ اكتشفو اية القطع ......عشان هما جزارين .......يلا كويس الموسم بتاعم جاى يمكن يحلو عن مخاليق ربنا ....
في24,كانون الأول,2006 - 07:01 مساءً, مروة كتبها ...
حاج سليمان \ جزاك الله خيراا على الكلمات المشجعة ......ومفيش ركاكة اسلوب بالعكس .........واهلا بيك دايما نورت المدونة
في24,كانون الأول,2006 - 07:03 مساءً, مروة كتبها ...
طارق \ ....طول عمرك بتقول رد غير متوقع خالص .....فعلا نسيت 25 سنة بسسسسسس....
في24,كانون الأول,2006 - 07:04 مساءً, مروة كتبها ...
اخى محمد صفوت \ كلماتك جميلة لا استحقها ....وانا زرت مدونتك وتركت لك تعليق هناك
في24,كانون الأول,2006 - 08:54 مساءً, مجهول كتبها ...
انتى لسه زى ما انتى يا مروه مش هاتتغيرى .. دمك خفيف .. و لسانك طويل .. فاكره صورتك فى ادراجك ( اضحك للدنيا ) ؟ و فاكره الست المفتريه فى ادراجك ( انتى طالق بالتلاته ) ؟ عامة : شكرا على سؤالك و سلامك و تحياتى من القلب بدوام التوفيق .
في24,كانون الأول,2006 - 09:57 مساءً, نور كتبها ...
أحسنتي ......... جرئتك أسرتني
برافووووووووو ........... أتمنى لك النجاح
وربنا يجعل صوتك دائما يعلو بالحق
أختك نور
صاحبة مدونة قلبي وروحي وعمري
في31,كانون الأول,2006 - 09:52 صباحاً, عماد السامرائي كتبها ...
تحية طيبة ......
برغم انفهم .... و برغم الحداد الذي نعلنه ..... برغم كل شيء ... لن نتركهم يزرعون اليأس في قلوبنا .... و سأهزمهم و أقول لك .... كل عام و انت بألف خير ....
في31,كانون الأول,2006 - 10:18 مساءً, محمود البــنا كتبها ...
تحية كبيرة جداً ليكي يامروة .. وللمعلم " نجم " مدفع الكلام اللى بجد ..
وعلى قول نجم احب أقول ..
كل يوم بيعدي هأسأل ، تايهة فين ؟
مصر يامَّه تايهة فين .. ؟
سايبة ناسك
سايبة أهلك للأنين .. !
سايبة واحد جُندي ماسك ..
رغم عنك رشاشين ..
مدفعة صارخة ف نافوخي ،
واختها بتهد كوخي ..
والضحية تِبقى أخويا ..
والرصاص من جلد أبويا ..
والعلم مدفون ف طين
وإنتي فين ؟
طب وليه ..
تسمحي للكلب ينهش جلد أبويا ..
يدهن الفرحة ف عيونك بالبُكى " ويقول يا بويا "
بويا يعني لون دهانك ..
عربجي عارفين وخانك ..
بس محتاج رد واحد ،
تايهة فين .
وفين مكانك ؟؟
في03,كانون الثاني,2007 - 10:10 مساءً, رأس الغول كتبها ...
للاسف دلوقت كل واحد مش عاجباه اي حاجه في مصر ... يا جماعة مش ممكن كده لازم نعارض بس بأصول والحشاش اللي فاكر نفسه بيكتب شعر ما كانش يقدر يكتب بيت واحد في عهود سابقه
في04,كانون الثاني,2007 - 04:43 مساءً, هيثم الدهشان كتبها ...
يا مرحبا بالصوت الثائر صوت كل مصرى يحب بلده صوت المظلومين فى كل مكان احييكى كثيرا على هذا الادراج وعلى مدونتك عموما وادعوكى لزيارة مدونتى
في04,كانون الثاني,2007 - 05:49 مساءً, محمود البــنا كتبها ...
اخى الجميل .. رأس الغول
انا معاك أوي إننا لازم نعارض .. بس ف زمان قاهر زي اللى بنعيشه مااعتقدش الأصول هاتفيد .. ! ، والحشاش ده كتب فى العهود السابقة وكتب كتير كمان واتأذى كتير بسبب كلامه وماخافش .. .
انا معاك فى إن الأسلوب كان بيخونه فى اوقات كتير ، بس كُل الإحترام ليه فى وقت كان الساكتين كتير .. وكفاية إنه قال .
دورك هنا ..
إنك تعارض بأصول ، وكلنا معاك ؟
بس انا هااعارض بالأصول ، ومن غير الأصول ..
وعلى حسب نوعية اللى بيجرحني هااقول .. وأعارض .
تحياتي ، وكل مودتي ..
في04,كانون الثاني,2007 - 10:15 مساءً, مروة كتبها ...
مجهول \ لو كنت انت عصام ...كل سنة وانت طيب... و سلامى
في04,كانون الثاني,2007 - 10:16 مساءً, مروة كتبها ...
مجهول \ لو كنت انت عصام ...كل سنة وانت طيب... و سلامى
في04,كانون الثاني,2007 - 10:17 مساءً, مروة كتبها ...
اختى نور اهلا بيكى نورتى مدونتى فعلا ...واتمنى دوام التواصل
في04,كانون الثاني,2007 - 10:18 مساءً, مروة كتبها ...
عماد \ وانت واهلك بالف خير " ان شاء الله "..سلامى
في04,كانون الثاني,2007 - 10:19 مساءً, مروة كتبها ...
محمود البنا \ اهلا بيك وشكرا على الزجل الجميل دة وعلى ردك الاخير
في04,كانون الثاني,2007 - 10:30 مساءً, مروة كتبها ...
اخى راس الغول\ اعتقد ان مجرد فرصة كتابة شىء لم تكن متاحة فى عهود سابقة لا تعد انجاز فى حد ذاتة......لانها مجرد فضفضة وليست على مستوى الاحتراف...ثم انه يقرأ لى القليل ....غير ان خير دليل على حرية الكتابة .....الطالبة آلاء ....عارفها ..عموما لو حكومتنا فيها حسنة يتيمة انا عندى ديمقراطية وممكن تعبر عن رأيك وتقولى علية وانا انشرة فورا ....
في04,كانون الثاني,2007 - 10:31 مساءً, مروة كتبها ...
هيثم الدهشان \شكرا لك ...وعلى دوام تواصل ان شاء الله
في05,كانون الثاني,2007 - 02:02 مساءً, عماد السامرائي كتبها ...
هذه المرة للتحية ... و تستحقين اكثر منها ...
في05,كانون الثاني,2007 - 05:58 مساءً, ¤©§][§©¤][ أفنـــدينا ][¤©§][§©¤ كتبها ...
تحية وسلاااااااااااااااااااااااام بطول الكورنيش من بحري للمنتزة
على فكرة أنتي ظالمة الحكومة جداٌ
لأن إنجازاتها كبيييييرة جداٌ
من عبارة غرقانة
لقطارات محترقة
لدور ثقافة أصبحت كمحارق الهولوكست رغم عدم إيماني بصحتها كلياٌ
للفشل الكلوي والسرطان في أجسادنا
لمياه ملوثة وطعام فاسد
لضعف هيبة مصر خارجياٌ
للتزوير
للتوريث
للفساد
للرشوة والمحسوبية.....................إلخ
ألا تري أن إنجازات حكوماتنا فاقت كل تصورات ...؟
حرام عليك يا ظالمة
منك لله
وليحيا الحزب الوطني
وليموت المصريين
كان معكم
أبو مريم
من تحت الماء
على فكرة الجو اليوميين دول ثلاجة
حاولي قبل ما تنزلي من البيت تلبسي الدولاب كله
ههههههههه
سلاااااااااااااااااااااااااام يا إسكندرانية
في06,كانون الثاني,2007 - 12:17 صباحاً, رأس الغول كتبها ...
للاسف الناس بتنسا
في06,كانون الثاني,2007 - 12:34 صباحاً, رأس الغول كتبها ...
لكن انا مازلت مصمم ان الحكومة الحالية سيئة ولكن الدنيا ليست قاتمه كا تتدعون
في06,كانون الثاني,2007 - 05:04 مساءً, مجهول كتبها ...
قاتمة .. ياراس الغول ،
قاتمة جداً ..
بس ، مانقدرش نفارقها ..
http://www.tortureinegypt.net/muhammad_bdr-el-din_video
في07,كانون الثاني,2007 - 05:36 مساءً, ¤©§][§©¤][ أفنـــدينا ][¤©§][§©¤ كتبها ...
الدنيا ليست قاتمة يا رأس الغول فعلاٌ
ولكنها سوداء كليلة غير مقمرة في الصحراء
ولسة
الأيام الجاية لسة حنشوف أكتر
وربنا يستر
تحياتي لصاحبة المصطبة أقصد المدونة
في07,كانون الثاني,2007 - 07:49 مساءً, مروة كتبها ...
عماد \ تحياتى ...اهلا بيك دائما
في07,كانون الثاني,2007 - 08:22 مساءً, مروة كتبها ...
ابو مريم \ عاش من شافك ......عموما الواحد مقدر ...المنصب الجديد ومسؤلياتة.......فعلا الجو برد جدا ....انت بتقول فيها ....انا فعلا لابسة نص الدولاب ....
في07,كانون الثاني,2007 - 08:26 مساءً, مروة كتبها ...
راس الغول\ الدنيا مش قاتمة ...الحمد لله ربنا موجود ....يعنى الكبير فية الاكبر منه ....والقوى فيه الاقوى منه ......و لكن دى اسمها الكوميديا السودا .....مش تقولى حشاش.....تحياتى
في14,كانون الثاني,2007 - 07:51 مساءً, ~(}{ عبـدالعزيز تاعـب }{)~ كتبها ...
احبابي ، اعزائي
شاركوني الابتسامة وهموم الاوطان ايضا
كاريكتير جديد كل اسبوع ( كاريكاتير اليوم :حمامة طروادة)
علي هذا الرابط
taeb.maktoobblog.com
ويهمني تعليقكم علي الرسم
في15,كانون الثاني,2007 - 08:55 صباحاً, خلبفة الحداد كتبها ...
مروة يا أخت الرجال لقد أسمعت لو ناديت حيا ولكن لا حياة لمن تنادي...
في18,كانون الثاني,2007 - 08:42 مساءً, ¤©§][§©¤][ أفنـــدينا ][¤©§][§©¤ كتبها ...
أنا السببْ .
في كل ما جرى لكم يا أيها العربْ .
سلبتُكم أنهارَكم والتينَ والزيتونَ والعنبْ .
أنا الذي اغتصبتُ أرضَكم وعِرضَكم ،
وكلَّ غالٍ عندكم
أنا الذي طردتُكم من هضْبة الجولان والجليلِ والنقبْ .
والقدسُ ، في ضياعها ، كنتُ أنا السببْ .
نعم أنا .. أنا السببْ .
أنا الذي لمَّا أتيتُ : المسجدُ الأقصى ذهبْ .
أنا الذي أمرتُ جيشي ، في الحروب كلها بالانسحاب فانسحبْ .
أنا الذي هزمتُكم
أنا الذي شردتُكم
وبعتكم في السوق مثل عيدان القصبْ .
أنا الذي كنتُ أقول للذي
يفتح منكم فمَهُ : " شَتْ ابْ " !.
نعم أنا .. أنا السببْ .
في كل ما جرى لكم يا أيها العربْ .
وكلُّ من قال لكم ، غير الذي أقولهُ ،
فقد كَذَبْ .
فمن لأرضكم سلبْ .؟!
ومن لمالكم نَهبْ .؟!
ومن سوايَ مثلما اغتصبتكم قد اغتَصبْ .؟!
أقولها صريحةً ،
بكل ما أوتيتُ من وقاحةٍ وجرأةٍ ،
وقلةٍ في الذوق والأدبْ .
أنا الذي أخذتُ منكم كل ما هبَّ ودبْ .
ولا أخاف أحداً ، ألستُ رغم أنفكم
أنا الزعيمُ المنتخَبْ .!؟
لم ينتخبني أحدٌ لكنني
إذا طلبتُ منكمو
في ذات يوم ، طلباً
هل يستطيعٌ واحدٌ أن يرفض الطلبْ .؟!
أشنقهُ ، أقتلهُ ،
أجعلهُ يغوص في دمائه حتى الرُّكبْ .
فلتقبلوني ، هكذا كما أنا ، أو فاشربوا " بحر العربْ " .
ما دام لم يعجبْكم العجبْ .
مني ، ولا الصيامُ في رجبْ .
ولتغضبوا ، إذا استطعتم ، بعدما
قتلتُ في نفوسكم روحَ التحدي والغضبْ .
وبعدما شجَّعتكم على الفسوق والمجون والطربْ .
وبعدما أقنعتكم أن المظاهراتِ فوضى ، ليس إلا ، وشَغَبْ .
وبعدما علَّمتكم أن السكوتَ من ذهبْ .
وبعدما حوَّلتُكم إلى جليدٍ وحديدٍ وخشبْ .
وبعدما أرهقتُكم وبعدما أتعبتُكم حتى قضى عليكمُ الإرهاقُ والتعبْ
تحيات أفندينا المعظم
ولا تنسي تذكرنا كلما مررت على الكورنيش وشاهدت اليافطة الزرقاء الكبيرة وعليها أسم أفندينا
وخفي من الدروس شوية وإسألي علينا
ههههههههه
سلاااااااااااااااااااام
في19,كانون الثاني,2007 - 07:38 مساءً, عماد السامرائي كتبها ...
كل عام وانت بخير ... عام هجري جديد مبارك عليكي ... اتمنى ان توني بخير .. وان يحضر لنا مطبخك ادراجا جميل ....... دمت بخير
في22,كانون الثاني,2007 - 01:57 مساءً, مجهول كتبها ...
ايوه يا ابله مروه انا عصاااام بشحمه و لحمه .. و اوعى تفتكرى ان انا شطبت المدونه و سبتلك التدوين تعملى فيه اللى انتى عايزاه من غير رقابه .. انا بتابع ادراجاتكم كلكم اول بأول و شايف ان فيه تقصير جامد منّك فى الكتابه .. خديها نصيحه منّى و اجتهدى شويه بدل ما حتة عيّل عندك فى المدرسه يقولهالك ... اطيب و ارق تحياتى .
في24,كانون الثاني,2007 - 08:38 مساءً, ¤©§][§©¤][ أفنـــدينا ][¤©§][§©¤ كتبها ...
إيه أخبارك يا ست مروة
مختفية فين اليوميين دول
عموماٌ أجازة نص السنة قربت والدروس حتخف شوية ههههههه
تحياتي وسلاااامي وكل عام وأنت بخير
في25,كانون الثاني,2007 - 08:27 مساءً, مروة كتبها ...
اخى خليفة حداد \ معك حق واتمنى ان تنور مدونتى دائما ......واسفة على التأخير فالرد
في25,كانون الثاني,2007 - 08:50 مساءً, مروة كتبها ...
يا من نشرت جنود أمنك خلفنا ........
وتنام مع تلك العيون ضريرا.........
كم أقنعوك بأن عقلك راجح ........
ضحكوا عليك وقد رأوك غريرا.......
قد عشت عمرك دون أى مطامح ........
اقصى طموحك أن تكون سفيرا ....
اليوم تطمح أن تقيل آلهنا .........
كى يعبد الشعب الأبى بعيرا........
لا تحسبن بأن شعبى عاجزا.......
لا يستطيع الفعل والتغييرا..........
لا تحسبن بأن قصرك قلعة.........
لا نستطيع لمثلة تكسيرا........
والله.....لحمك لو أردنا وجبة...لاكن ربى حرم الخنزيرااا
.اشوف فيك يوم قريب.....هاقولك اية مش باين لية .........اصل انا كنت باذاكر لمريم ........وعموما انا خفيت دروس الترم التانى فعلا لغيت دروس مكانها بعيد عن بيتى
في25,كانون الثاني,2007 - 08:51 مساءً, مروة كتبها ...
عماد \ وعام سعيد عليك ان شاء الله ...ودايما منور مدونتى
في25,كانون الثاني,2007 - 09:03 مساءً, مروة كتبها ...
عصام \ اية يابنى مش باين....... وبتراقبنا كمان ........والله كنت مطحونة الكام يوم اللى فاتو .......عموما الحمد لله ...الامتحانات عدت .....وكل سنة وانت طيب .وانا على فكرة سألت عليك طارق اية خلاص مشاكل البلد فوق دماغك .....مالدنيا ماشية عال العال ......
في25,كانون الثاني,2007 - 09:37 مساءً, ¤©§][§©¤][ أفنـــدينا ][¤©§][§©¤ كتبها ...
أرضُنا مُحتلَّةٌ مُنذُ استقلَّتْ
كُلَّما زادَتْ بها البُلدانُ.. قَلَّتْ !
وَغِناها ظَلَّ في أيدي المُغيرينَ غَنائِمْ
والثّرى قُسِّمَ ما بينَ النّواطيرِ قَسائِمْ .
أيُّ نِفطٍ ؟! صاحِبُ الآبارِ، طُولَ العُمْرِ،
عُريانٌ وَمَقرورٌ وصائِمْ وَهْوَ فَوقَ النّفطِ عائِمْ !
أيُّ شَعْبٍ ؟! شَعبُنا مُنذُ زَمانٍ
يا شُعوباً مِن سَرابٍ في بلادٍ مِن خَرابْ..
أيُّ فَرْقِ في السَّجايا بَينَ نَسْرٍ وَعُقابْ ؟!
كُلُّها نَفْسُ البهائِمْ كُلُّها تَنزِلُ في نَفْسِ الرّزايا
كُلُّها تأكُلُ مِن نَفسِ الولائِم إنّما لِلجُرْمِ رَحْمٌ واحِدٌ
في كُلِّ أرضٍ وَذَوو الإجرامِ مَهْما اختلَفَتْ أوطانُهمْ
كُلٌّ توائِمْ !
قرابين...شعر أحمد مطر
ماشى يا مروة .... بقى مش عايزة تقولى رأيك في سيد البيت الكبير وبتتحججي أنك مش عارفه تكتبي تعليق .... الظاهر إنك خايقة من سجن القناطر .... عموما عندك حق برضة اليوميين دول وسلميلي على عماد الكبير .....ههههههههههههههه
تحياتي وسلااااامي لك يا إسكندرانية
في26,كانون الثاني,2007 - 12:38 صباحاً, ¤©§][§©¤][ أفنـــدينا ][¤©§][§©¤ كتبها ...
كُلُّ ما في بَلْـدَتي
يَمـلأُ قلـبي بالكَمَـدْ .
بَلْـدَتي غُربـةُ روحٍ وَجَسَـدْ
غُربَـةٌ مِن غَيرِ حَـدّْ
غُربَـةٌ فيها الملاييـنُ
وما فيها أحَـدْ .
غُربَـةٌ مَوْصـولَةٌ
تبـدأُ في المَهْــدِ
ولا عَـوْدَةَ منها .. للأبَـدْ !
* * *
شِئتُ أنْ أغتـالَ مَوتي
فَتَسلّحـتُ بِصوتـي :
أيُّهـا الشِّعـرُ لَقَـدْ طالَ الأَمَـدْ
أهلَكَتني غُربَتي ، يا أيُّها الشِّعرُ ،
فكُـنْ أنتَ البَلَـدْ .
نَجِّـني من بَلْـدَةٍ لا صوتَ يغشاها
سِـوى صوتِ السّكوتْ !
أهلُها موتى يَخافـونَ المَنايا
والقبورُ انتَشرَتْ فيها على شَكْلِ بُيوتْ
ماتَ حتّى المــوتُ
. . والحاكِـمُ فيها لا يمـوتْ !
ذُرَّ صوتي ، أيُّها الشّعرُ ، بُروقـاً
في مفازاتِ الرّمَـدْ .
صُبَّـهُ رَعْـداً على الصّمتِ
وناراً في شرايينِ البَرَدْ .
ألْقِــهِ أفعـى
إلى أفئِـدَةِ الحُكّامِ تسعى
وافلِـقِ البَحْـرَ
وأطبِقْـهُ على نَحْـرِ الأساطيلِ
وأعنـاقِ المَساطيلِ
وطَهِّـرْ مِن بقاياهُمْ قَذاراتِ الزَّبَـدْ .
إنَّ فِرعَــونَ طغى ، يا أيُّها الشّعـرُ ،
فأيقِظْ مَـنْ رَقَـدْ .
قُل هوَ اللّهُ أحَـدْ
قُل هوَ الّلهُ أحَـدْ
قُل هوَ الّلهُ أحَـدْ
* * *
شوية كآبة قبل النوم
المرة الجاية حأقولك آخر نكتة هههه
سلااااااااااااااااام
في26,كانون الثاني,2007 - 10:27 مساءً, مروة كتبها ...
افندينا \ مش بتحجج ...ولو كنت بتحجج كنت سبت لك سلام وخلاص ومع ذلك انا سبت لك التعليق عندى هنا بس انت الظاهر مخدتش بالك عشان انا نسيت اكتب علية اسمك ...هو تحت تعليقى لخليفة حداد ......ومتنساش اخر نكتة عشان انا قريب اعيط
في27,كانون الثاني,2007 - 01:13 مساءً, مجهول كتبها ...
و الله يا مروه ما مشاغل و لا حاجه .. و ان كان فيه شوية مشاغل ماحنا اتعودنا عليها .. لكن فيه مثل بيقول ( السبع لما بيكبر القرود بتتنطط على كتفه ) و انا قررت اسيب الملعب ل طارق يبرطع فيه براحته .. تحياتى يا مروه .. عصام .
في27,كانون الثاني,2007 - 07:20 مساءً, مجهول كتبها ...
يا بنتى ما انا عارف ان الدنيا ماشيه عال العال .. و ما فيش مشاكل خالص فى العيش و العيشه و اللى عايشينها .. لكن كل الحكايه ان فيه مثل بيقول ( السبع لما بيكبر القرود بتتنطط على كتفه ) و انا قررت اسيب الملعب ل طارق يبرطع فيه براحته ... سلامى . عصام .
في27,كانون الثاني,2007 - 09:25 مساءً, مروة كتبها ...
عصام\ ههههههههههه.....حلو المثل دة وبعدين ايية ....هى اسطوانة مشروخة انا بافهم من اول مرة ....!
في28,كانون الثاني,2007 - 02:28 صباحاً, ¤©§][§©¤][ أفنـــدينا ][¤©§][§©¤ كتبها ...
اراد اثنان من السكارى ان يقلدوا عربة الاسعاف فوقفا خلفا بعضهما، وقال الاول: ويه ويه ويه زيه، وقال الثاني: ازرق احمر ازرق احمر.
تمانية صعايدة بيهزروا مع بعض صفصفوا على تلاتة، قالوا كفاية كدة لا تقلب بجد.
مرة 3 أطفال راحوا محل لعب، واحد فيهم بيقول للراجل: عمو عمو عايز بلونة.
الراجل جاب السلم وطلع وجابله بلونة ونزل، فسأل التاني: وانت عايز ايه؟
قاله بلونة .. فقاله الراجل ماقلتش ليه وانا فوق!! المهم طلع جابهاله وهو فوق سأل الولد التالت: وانت كمان عايز بلونة؟؟؟ قاله لأ... فنزل الراجل وقاله : امال عايز ايه؟ قاله عايز بلونتين.
واحد مسطول بيسألوه "إيه أصعب شيء في الحياة؟، قال لهم: إنك تحدد السكسوكة و إنت بتمضغ لبانة.
واحد صعيدي عايز يعلم ابنه المشي ربطه ف القطر
ظابط بيزعق لمواطن و بيقول له: "إنزل من ع الرصيف يا حمار!!!" المواطن قال له: "بس ماتقولش رصيف!!!"
واحد صعيدي راح قال لابوه "يا با رخصة السواقة بتاعتي خلصت" قال له "من لفلفتك ف الشوارع طول النهار يا ابن الجزمة!"
مرة واحد شاف اخوه التوأم، قال له: انت فين من الصبح يخرب بيت شكلك! أمك حمتني مرتين!!"
الصعيدى الصغير أذكى من الصعيدى الكبير . لية ؟ لان الصغير مابقالوش كتير صعيدى
مرة أثنين مساطيل قاعدين مع بعض ، فواحد قال للتانى هو محمد فؤاد أخو بور فواد ، فالتانى قالة لا يا عم بور فؤاد دى بلد ومحمد فؤاد بلد تانى خالص .
مرة واحد سال صاحبة وقال له إذاى نميز بين الأرنب والأرنبة ،فقال إذا ركض بيكون أرنب وإذا ركضت بتكون أرنبة .
ههههههههههههههههههههههه
ولا تعيطى يا ستي ولا حاجه
يا ريت يكونوا دول كويسيين .... وما تتعوديش على كده .... لأن المود اليوميين دول بلون قرن الخروب ....وأفندينا بيحضر اليوميين دول لثوره في بلاد الواق واق
تحياتي وسلاااامي يا إسكندرانية
في28,كانون الثاني,2007 - 11:24 صباحاً, مروة كتبها ...
افندينا \ هههههههههههه .......حلوين ..بقولك اية انا دلوقتى فمشكلة ...مش عارفة دلوقتى العب غير على ارضى ولا تعليق بيتنشر ليا خالص غير فمدونتى ...كل ماجى انشر تعليق تظهر لى رسالة "error on page" مش عارفة لية امبارح كتبت تعليق لعماد وتعليق لطارق وماتنشروش وقبل كدة فمدونتك بردة ...مش عارفة لية كدة......وبهذه المناسبة عايزة اطلب منك طلب ....تبلغ عماد ان القصيدة بتاعتة جميلة وبالذات "ابيع بطولاتى" وانا طبعا مش زعلانة منه ولا حاجة ....وطارق \ تقولة ان انا ناوية اكتب فوصيتى انى لو ملحقتش اقرأ بقية موضوع الشيعة لو محدش كملة بعدى هحرمهم مالميراث ....وانه مقصر ولاكن انا طول عمرى صاحبة واجب ...ومنعنى من نشر التعليق ظروف قهرية طبعا انت عارفها.....انى روحت اشترى لب سورى
تحياتى
في29,كانون الثاني,2007 - 02:46 مساءً, ¤©§][§©¤][ أفنـــدينا ][¤©§][§©¤ كتبها ...
لعلمك أحس حاجة في الدنيا إنك تلعبي على أرضك على الأقل الجمهور بتاعك والحكام حيكونوا خايفين منك أحس ياخدوا علقه ما أخدهاش حرامي بلغ في ميدان أبو العباس ...
الظاهر أن دي مشكلة مش عندك وبس لأن أحمد الضبع سابلي رسالة بكدة
إن شاء الله لما أروح لبغداد وبورسعيد حبلغ الرسالة
بمناسبة اللب السوري عارفه فيه شرف في شارع البوسته القديمة في المنشيه ...هو أشهر واحد بتاع سوداني والذي منه .....عارفاه .....متشتريش منه
هههههه
سلااااااام يا إسكندرانية
في31,كانون الثاني,2007 - 07:42 مساءً, ¤©§][§©¤][ أفنـــدينا ][¤©§][§©¤ كتبها ...
بقولك يا ستي الحل للمشكلة مؤقتاٌ
إذا أردت الدخول لمدونتك من صفحة المدونات الرئيسية أختاري مدونات من مصر ثم رتبي المدونات بالأكثر تعليقاٌ ثم إذهبي للصفحة السادسة حتلاقي مدونتك ....وأنا دخلت مدونتك دلوقتي بالطريقة دي .
أو في جوجل أدخلي العنوان التالي
http://marwamagdymostafa.maktoobblog.com
وهذا حل مؤقت إلى أن ترسلي رسالة لمدونات مكتوب بالمشكلة وللأتصال بهم إختاري " أتصل بنا " من أعلى صفحة مكتوب الرئيسية
ياريت يكون أفندينا أفاد معاليكي
تحياتي وسلاااااااامي يا إسكندرانية
في01,شباط,2007 - 11:35 صباحاً, مروة كتبها ...
اة مانا فتحت مدونتك المرة اللى فاتت بالطريقة دية ودلوقتى مدونتى كدة بردة.....اة بعتت لمكتوب بس المشكلة هما بيطلبو الايميل وانا كتبتة بس مش بفتحة ابدا وباين عليا نسيت الباسوورد.....ما علينا .............اهم حاجة "معاليكى "دية متتخيلش اسعدتنى أد اية........
في01,شباط,2007 - 11:51 صباحاً, مروة كتبها ...
وصحيح مدونتى مكانتش عايزة تفتح عشان " pop up "{ متقوليش اية دة ....انا كنت فاكراة مسحوق غسيل جديد..... بس اخويا ظبطهولى...وفتحت المدونة ....لكن مشكلة التعليق قالى دى من مكتوب مش من عندى ......والاغنية اللى انت حاططها عندك حلوة قوى ...اول مرة اسمعها ...اصلى اول حاجة بعملها اول مافتح الكمبيوتر اقفل الصوت
في07,شباط,2007 - 07:38 مساءً, ¤©§][§©¤][ أفنـــدينا ][¤©§][§©¤ كتبها ...
المشكلة عندي الآن أن جهاز الكمبيوتر الخاص بي أصابة فيروس شيطاني من جنوب أفريقيا ...هههههههه أنا أعرف أن الفيروسات تهاجم الويندوز لكن الفيروس بتاع حظرتنا دمر المذر بورد _ ومتسأليش دي إيه_ وآديني بكتب لك تعليق من سيبر كافية على آخر الزمن ..........
معاليكي أتمنى أن تكوني بخير
ولو عايزة أعلمك تحطي أغنية إزاي للمدونة قولي ...وكله بحسابه
سلاااااااااااااااااام يا إسكندرانية
في09,شباط,2007 - 08:48 مساءً, مروة كتبها ...
عارفة طبعا المذر بورد اللى بيتركب فيها كل اجزاء الجهاز ...".البوردا "...ما علينا ....ربنا يكون فعونك ....وانا بخير الحمد لله ....ان شاء الله لما تحل مشكلتك هبقى اخليك تحطلى اغنية ...ويمكن اغيب شوية واظهر كل مدة عشان الدراسة هتبدأ كل سنة وانت طيب
في12,شباط,2007 - 03:03 مساءً, http://adelharpy.maktoobblog.com/ كتبها ... (غير موثّق)
مش رح احكيلك للامام لانك فعلا بالامام . كل شي بتحكيه حلو ومميز وبتمنالك مستقبل حلوة
عادل.
في12,شباط,2007 - 09:26 مساءً, Ayad Al-Motairi كتبها ...
الهي يحفظك يامروة ... تشرحي الصدر والله