المدونة التالية
كافة المدونات

فقرة اعلانية

كتبهامروة ، في 9 ديسمبر 2006 الساعة: 18:35 م

تسعة خمسة .. تسعة خمسة
إتصل قبل امّا تنسى
كله بعد السحب فايز
عندنا مخزن جوايز
ياللا قوم اطلب أوام ان كنت عايز
خلى بالك
الدقيقة بنص أهيف
و بصراحة ان كنت هايف .. إحنا أهيف
قلنا لازما نسحبك من دم قلبك
إما تخسر .. أو هتخسر
بس إوعى ف مرة تسأل
أو تبص ف يوم وراك
لجل نقدر نلسعك من فوق قفاك
وبدون هزار
الحكاية ف أصلها لعبة قمار
نسألك و يكون سؤالنا
أغبى من مخ الحمار
واما هتشوف الفاتورة
تركبك حالة شحار
غصب عنك
أو بخاطرك برضه لازم تتصل
و الطريقة اللى ف إيدينا
واحدة فى الإعلان بترقص
فيه طرق سهلة وْ رِخيصة
بس قلنا ان العرايا فى النهاية
برضه أرخص
ياللا قوم
طب لإمتى و فين هتقعد وانت بتعد النجوم
قوم و حقق ياللا حلمك
نوعدك .. هتبيع هدومك
هو ده منظر هدوم ؟؟؟
واوعى تنسى
تسعة خمسة .. تسعة خمسة
آخرتك ويانا هوسة
أو تلاقى الضغط عالى
تتلحس و تقول جرى لى
مش هقوللك تانى جرب
دى الدقيقة بنص أهيف .. نص أهيف
و بصراحة ان كنت هايف …          
هم اهيف
كلمات \ محمود موسى
أضف الى مفضلتك
  • del.icio.us
  • Digg
  • Facebook
  • Google
  • LinkedIn
  • Live
  • MySpace
  • StumbleUpon
  • Technorati
  • TwitThis
  • YahooMyWeb

ـــــــــــــــــــــــــــــــــــــــــــــــــــــــــ
التصنيفات : غير مصنف | أرسل الإدراج  |   دوّن الإدراج  

17 تعليق على “فقرة اعلانية”

  1. (¯`·._.·(واحدتاني)·._.·°¯) قال:
    ديسمبر 9th, 2006 at 9 ديسمبر 2006 6:42 م

    احييك على ذوقك في الاختيار كلمات ناقدة وحرفية وفنية عالية ….تحياتي(واحدتاني)……والسلام

  2. حسن مدني قال:
    ديسمبر 9th, 2006 at 9 ديسمبر 2006 11:13 م

    ملعــوبة…

    نحياني..

  3. ¤©§][§©¤][ أفنـــدينا ][¤©§][§©¤ قال:
    ديسمبر 10th, 2006 at 10 ديسمبر 2006 1:34 ص

    أولاٌ مبروك عليك الأجازه

    بس ده مش موسم إمتحانات يعني الولاد الغلابة يتوعك يخدوا دروس عند مين ….ههههه

    ليهم ربنا

    بس إوعى ف مرة تسأل

    أو تبص ف يوم وراك

    لجل نقدر نلسعك من فوق قفاك المحروسة حرفياٌ في مواقف كتييييييييييييييير

    عجبتني قوي … يمكن لأني حاسس إنها بتتطبق في المحروسة حرفياٌ في مواقف كتييييييييييييييير

    عموماٌ لنا عودة بإذن الله

    تحياتي لك وسلااااااامي

  4. حسن مدني قال:
    ديسمبر 10th, 2006 at 10 ديسمبر 2006 5:35 ص

    وللعلم/ تتصل أو ما تتصل،، ح تيجي في القاتورة.. ح تيجي في الفاتورة..

  5. مروة قال:
    ديسمبر 10th, 2006 at 10 ديسمبر 2006 11:22 ص

    اخى واحد تانى\ شكرا لك مع تمنياتى بدوام التواصل

  6. مروة قال:
    ديسمبر 10th, 2006 at 10 ديسمبر 2006 11:34 ص

    اخى حسن مدنى \ هى كل حاجة فالحكومة ممكن تتعطل الا ….الفواتير ….مبنعرفش نوجفها على رأى ” رامى قشوع “

  7. مروة قال:
    ديسمبر 10th, 2006 at 10 ديسمبر 2006 11:52 ص

    افندينا \ الله يبارك فيك عالاجازة …..وعشان متتعجبش …… انا يا ابنى فأجازة مرضى عشان عندى ” حصبة المانى” يعنى مينفعش اروح المدرسة ولا الدروس …..عموما الحمد لله …..الظاهر ان قاعدتى فالمدرسة دى خطر عليا الاول اللوز وبعدين حصبة خايفة بعد كدة أسنن من جديد…..

    كويس انها عجبتك فالحقيقة انا كنت هنزل موضوع تانى “زجل ” فيديو …بس كل ما انزلة علية عفريت مش عايز ينزل

  8. شادي كريم ـ مصر قال:
    ديسمبر 13th, 2006 at 13 ديسمبر 2006 1:18 ص

    لا أفهم ما كل هذه التعليقات على هذا الكلام الركيك حاولي تتعلمي معني الشعر حاولي تقرئين حتى تستطعين الكابة بدوتن أخطاء لن يمحوها الأوان التى تستخدمينها.. بطلي تفاهة

  9. مروة قال:
    ديسمبر 13th, 2006 at 13 ديسمبر 2006 11:24 ص

    شادى كريم\ على فكرة مش انا اللى كاتباة وان كان بيعبر عن ذوقى ….دة اذا كنت كملتة للاخر….اما عن اخطاء لن يمحوها الاوان…فكنت ممكن امسح التعليق بتاعك وادارى الفضيحة…..لكن فضلت اتركها كأخطاء لا يمحوها الاوان …..عشان تبقى “بصرة”

  10. طارق محمد على قال:
    ديسمبر 13th, 2006 at 13 ديسمبر 2006 11:31 ص

    ايه اخبارك يامروة بتغيبى كثييييييير وتظهرى فجأة … لعل يكون المانع خيرا … بصراحة موضوع يهم كل الشعب المصرى خاصة وان شركات 0900 تعيش على قفا الشعب المصرى …. خاصة وان الاعلام المصرى يساعد على النصب على المواطنين الغلابة بس القانون لا يحمى سوى سيادته فقط .

  11. مازن شما قال:
    ديسمبر 13th, 2006 at 13 ديسمبر 2006 1:57 م

    الاخ العزيز والاخت العزيزة …ابناء مصر الحرة ..مصر ارض الكنانة…مصر العروبة ..أكن اليكم كل محبة واحترام..واشكر باسمي وباسم شعب فلسطين كل الاخوات والاخوة المدونين في تعاطفهم ومساندتهم لقضايا امتهم العربية وبالاخص قضية فلسطين والعراق الحبيب وكل بقعة من وطننا العربي واعترافا مني لكم اقدم هديتي المتواضعة على الرابط التالي والذي يضم خمسة البومات لمكتبة الاسكندرية مرتبة حسب الاختصاص يمكنكم زيارة الرابط ونقل ماترونه مناسبا لمدونتكم .والطيقة موضحة بادراج في مدونتي …آمل ان ينال اعجابكم واكون قد رددت ولو بشئ رمزي ما تقدمونه لقضايا امتكم ..كل الدعاء للجميع بالتوفيق والتقدم…اخوكم مازن شما

    الرابط هو:

    http://www.bubbleshare.com/users/profile/89776

  12. مروة قال:
    ديسمبر 13th, 2006 at 13 ديسمبر 2006 5:41 م

    اهلا طارق \ انا الحمد لله كنت تعبانة ومشغولة ….لكن الحمد لله …نورت المدونة

  13. مجهول قال:
    يناير 25th, 2007 at 25 يناير 2007 11:41 م

    السلام عليكم ورحمة الله وبركاته

    جزاكم الله خيرا أخت مروة على نقلك لقصيدتى اللى سعدت جدا واتفاجئت اننا رغم عدم وجود معرفة شخصية بينا نقلتيها عندك

    حقيقى سعدت وأرجو أن أكون عند حسن الظن دائما

    بس عندى ملحوظة سريعة على شىء بيقع فيه الأغلب ولا أدرى ما السبب

    ألا وهو ان اسمى محمود موسى وليس مرسى

    جزاكم الله خيرا

    وشرف جدا بنقلك للنص :)

  14. مروة قال:
    يناير 28th, 2007 at 28 يناير 2007 2:02 م

    اخى محمود موسى \ انا اللى زادنى شوف التعرف عليك عشان اشكرك شخصيا واعبر لك ان انا نشرته لانه عمل رائع ويستحق النشر ….واسفة على الخطأ فالاسم مع وعد بتصحيحة ….تحياتى

  15. محمود موسى قال:
    يناير 31st, 2007 at 31 يناير 2007 9:50 ص

    شكرا لذوقك أخت مروة وشكرا أيضا على التعديل

  16. مروة قال:
    يناير 31st, 2007 at 31 يناير 2007 7:04 م

    العفو أى خدمة

  17. راشيد قال:
    أبريل 16th, 2008 at 16 أبريل 2008 11:39 م

    السلام عليكم ورحمة الله تعالى وبركاته

    أشكر القدر الذي دلني على دروبكم…

    بارك الله فيكم وجزاكم كل الخير…

    وحفظكم ورعاكم وسدد خطاكم لما يحب ويرضى

    لكم وافر مودتي

    و وفائي وإخلاصي…

    وأصدق أمنياتي وخالص دعواتي القلبية…

    وتقبلوا فائق تقديري وعظيم احترامي…

    ولكم مني باقة شكر وعرفان…

    مع أجمل المنى

    و السلام عليكم ورحمة الله تعالى وبركاته

    http://islam.sos4um.net/index.htm



اكتب تعليــقك
الإسم الذي سيظهر على التعليق
مشتركي مكتوب
اسم آخر

« محتارة فالعنوان
مبارك »